羅毓儀Yuki 同 林俊其Kris 拍拖作客直播玄學節目《師傅點算》，一對問題情侶把握住今次機會，準備咗唔少問題，向三位玄學師傅問點算。
Yuki話佢哋最想知可唔可以事業愛情兩得意？其次就係夾唔夾？以及前世嘅問題，Yuki話佢天生有淚痣，而佢曾經聽過淚痣嘅形成，係因為臨死前有個愛人攬住你流咗一滴眼淚而成，Yuki話呢個講法非常浪漫，所以佢都好好奇自己淚痣形成嘅原因係咪真係咁呀。
Kris本身擁有靈異體質，佢仲話屋企有二百多隻靈體，當中有三隻仲會跟住佢添，佢仲言之鑿鑿話其中一隻唔鐘意Yuki，不過Yuki就話幸好自己條命比較強，所以絕對頂得住。
