台灣近日再有新嘅偶像選秀節目開戰，主理人 黃子佼 製作人 徐若瑄 同四位導師仲有各位參加者都一齊出席記者會，仲著晒整齊制服跳舞，非常青春有活力。

雖然呢日其中幾位參加者現場表演 ASOS 當年嘅經典《十分鐘的戀愛》，不過身為小S舊愛嘅佼佼就笑住話，大家嘅表現都唔夠大小S當年咁好，仲叫佢哋喺其他表演再努力呀。

同Vivian合作主力負責選秀嘅佢又話，自己當年都係選秀出身，更有份主持當年Vivian出道嘅選秀節目，結果今日一齊再現身，實在非常有緣。而Vivian就大讚一班少女表現一流喇。