(國語)連詩雅被陳家樂要求增肥 訂定操練計劃盼練出線條

(國語)連詩雅被陳家樂要求增肥 訂定操練計劃盼練出線條

陳家樂獲認證絕世好老公 自爆BB名叫「陳設」

周家怡、李靖筠(Gladys)主持嘅網上節目《恨駕女團》,日前邀請陳家樂擔任嘉賓,陳家樂去年4月跟拍拖3年嘅連詩雅結婚,於今年宣布造人成功,龍BB預產期7月,即將做人父嘅陳家樂獲Gladys讚係好老公,凡事以老婆為優先,笑指陳太係佢嘅世界。

家樂獲Gladys讚係好老公,凡事以老婆為優先,笑指陳太係佢嘅世界。

Gladys稱陳家樂同連詩雅係模範夫妻,成日聽到陳家樂讚老婆好叻,佢亦會為愛妻下廚、又識幫老婆影靚相;被問到如果自己冇做錯事,但老婆好嬲,家樂會唔會先say sorry,家樂笑言而家會咁做:「為自己將來幸福啫,哈哈。其實有時仲未100%做到,有啲位我係比較鍾意同人辯論、辯駁嘅人,盡量啦,呢半年有咗小朋友,太太啲情緒可能會更加容易被觸動,我就更加要遷就。」家怡大讚家樂絕對達標,認可係一名好老公,更係絕世好男人。

陳家樂去年4月跟拍拖3年嘅連詩雅結婚,於今年宣布造人成功,龍BB預產期7月。

隨後三人講到為BB改名,家樂直言已有諗法,更讚自己更得好,名字男女適用叫「陳徹」,Gladys即「吓」咗一聲,家怡就勸佢唔好叫「陳徹(音:陳設)係用嚟擺,不過家樂未有理會,繼續話連英文名都諗埋叫Deco;家怡笑問係咪想小朋友將來做設計師,而Gladys就問陳太連詩雅會唔會批準,家樂坦言未獲批準,但自己喜歡兩個字嘅名,感覺有型,但家怡及Gladys即裝出嫌棄嘅神情,家怡續言:「你真心覺得有型?我開始覺得同佢溝通唔到,佢覺得有型嘅嘢我一啲都唔覺得。」

三人講到為BB改名,家樂直言已有諗法,更讚自己更得好。

家怡及家樂有份演電影《出租家人》,二人提到拍攝趣事,家樂表示有幾場戲令佢十分感動:「其中一場要扮志偉哥嘅阿仔打電話畀佢,嗰吓我自己係好心痛、好心酸,未roll機之前其實自己好似已經喊咗一次。我哋而家成日都會講一啲善意嘅謊言,都係因為驚父母擔心,寧願佢講大話呃佢哋,等佢哋過得舒服啲。」
家怡就勸佢唔好叫「陳徹(音:陳設)係用嚟擺」。Gladys稱陳家樂同連詩雅係模範夫妻,成日聽到陳家樂讚老婆好叻。

 相關推薦

熱門搜尋