佘詩曼48歲生日「五魔女」出動眾好友準備「 Man姐」蛋糕祝賀

聽日5月28號就係佘詩曼48歲生日，佘詩曼向來圈中人緣極佳，即使忙住拍TVB新劇《新聞女王》，佢仍抽時間出席好友飯聚，今日佢就喺IG貼上多張照片，「七魔女」缺一獨欠梁靖琪。

「七魔女」缺一獨欠梁靖琪。

好友們為佘詩曼準備咗兩個蛋糕，當中有一個蛋糕相當有心思，蛋糕上面有一個Q版公仔造型，就係佘詩曼飾演嘅SNK NEWS黃金時段主播角色Man姐！

聽日5月28號就係佘詩曼48歲生日。

一眾圈中好友苗僑偉、戚美珍、陳山聰、歐陽震華、方力申、文頌嫻、周家蔚、郭政鴻、謝天華、阮兆祥、姚樂怡、湯盈盈、鍾麗淇及崔加寶等出席，壽星女阿佘笑到四萬咁口，玩得相當盡興，佘詩曼形容呢個係最美好回憶，而蔡思貝、林夏薇、陳敏之、上山詩鈉、陳逸璇、邵初及許紹雄女兒許惠菁等亦有留言祝賀。
眾好友為阿佘慶祝生日玩得相當盡興。