(國語)新一季好聲好戲即將首播 蘇韻姿吳幸美現場挑戰配音

(國語)新一季好聲好戲即將首播 蘇韻姿吳幸美現場挑戰配音

福祿壽訓練學院3.31正式開學 「翻版」巨星雲集勁有噱頭

由阮兆祥、李思捷、王祖藍主持嘅香港首個扮嘢真人Show《福祿壽訓練學院》將接棒《中年好聲音2》喺3月31號強勢推出,製作組最終喺數百名海選參賽者中,精挑細選50位(49個單位)極具扮嘢潛能的入圍者接受福祿壽三子悉心調較,當中一半係素人、一半係藝人。

阿昭嘅《熱咖啡》演繹真係不得了。

入圍藝人相當多元,除咗有前天堂鳥成員葉泓聲(Gordon),近年演戲屢見突破嘅前女團成員關嘉敏、坐擁8級小提琴音樂資格嘅吳兆麟(Alan)、以及港姐出身的靚女主持伍韻婷(Juliana)等,為公平起見,製作組事先強調無論係面試或首輪競賽,均唔提供任何物資化妝置裝參加者自己一腳踏。

阿昭全程仲特登冇表情,因為一來希望咁樣出嚟效果好笑啲,二來可以增加觀眾想像空間。


關嘉敏坦言為咗首輪競賽造型花咗不少功夫,單係化妝已花咗3至4個鐘,笑言化妝後幾乎冇人認得佢。 並開心獲一眾好友鼎力支持:「我專登搵人做咗件同嗰個人嘅招牌Look一模一樣嘅衫,成本都高,但我冇理、因為只係想一心做好件事。」

Juliana話自己喺面試時已盡情粗魯,可惜都係畀幕後工作人員組成嘅評審嫌佢太過cute。

Gordon為咗向鍾情嘅跳唱偶像致敬,不但苦練勁舞,更動用大量人情咭:「今次面試片無論音樂、剪接同effect係朋友幫手做,另外有四位只係收咗車馬費幫我跳舞嘅Dancers,仲有幫我搵呢四位Dancers、同幫我fine tune隻舞嘅同門師兄弟,好多謝呢班一直以嚟陪伴住我嘅戰友。」

大家又估唔估到 Gordon 扮邊個呢?

至於Alan搵嚟《全城一叮》好拍檔黃瀅仴幫忙化妝,並同好友兼TVB娛樂新聞台主持劉倬昕(Sam)拍住上面試:「啲衫同道具都係我哋喺網上買完返嚟再整,挑戰都幾大,我都好擔心出街後自己形象會被摧毁。」

關嘉敏呢個造型同本人真係好大差別,到底佢扮緊邊個呢?

選擇以經典電影《功夫》包租婆造型面試嘅Juliana,坦言希望能藉住參賽突破自己:「呢個角色好iconic,同埋好粗魯同好霸氣,我都想show畀人睇我扮到呢一面。其實佢個造型都算易,只要有煙、同埋我屋企又咁啱有條類似嘅裙,佢個頭係我用自己嘅頭髮卷出嚟。」
到底點解 Alan同 Sam Lau 要拍住上呢?佢哋又扮緊咩呢?

製作組發布入圍者代號,好似有「鬚根吳君如」、「深井張國榮」、「醬爆古天樂」等大量翻版藝人之外,連韓星及三位導師的翻版亦喺名單之列,如「四捨五入王祖藍」、「扮聲勁過李思捷」等參加者﹐期待值爆燈。其中一名素人參賽者阿昭,以超Low budget嘅Lowcost cosplay汪阿姐嘅《熱咖啡》,整個造型前後花費不足200港元。
《福祿壽訓練學院》採用淘汰賽制﹐眾人先後要喺初選同第二輪面試中脫穎而出,先有資格喺首兩集嘅首輪競賽亮相。首輪競賽會以「盲選」方式進行, 連福祿壽三位相當有驚喜。

 相關推薦

熱門搜尋