陳山聰分享恐怖經歷 方力申驚嚇聞所未聞

陳山聰分享恐怖經歷 方力申驚嚇聞所未聞

獎門人Happy Easter感謝祭|恬妞獲獎門人放水特別關照 準Daddy陳家樂慘被圍攻

今晚播出嘅《獎門人Happy Easter感謝祭》,嘉賓陣容有電影《出租家人》演員 陳家樂 恬妞 方力申 周家怡 許靖韻 同 艾妮 組成嘅 「出租家人」隊,對戰《婚後事》演員 羅子溢 陳自瑤 賴慰玲 羅天宇 谷婭溦 同 區明妙 組成嘅「婚後事」隊。

出租家人隊婚後事隊

今集繼續有大量感謝祭貨品喺21:00節目播出後於網購平台 鄰住買 開售,觀眾收睇節目期間嘟螢幕上嘅QR Code,仲有機會搶到超過7萬8千封現金利是,節目每一節最高金額利是仲高達888港元!

首個遊戲「開心無敵啜乒乓」一開始就笑料百出,久未亮相嘅恬妞獲獎門人厚待,啜乒乓波時唔止可以手口並用,仲唔限時俾佢任啜唔嬲!而到對戰階段,人夫子溢先對戰靚女許靖韻,嘉樂笑問:「有冇同老婆備案呀?」而子溢就搞笑話:「今日我外母喺度!」難怪子溢表現得姐手姐腳,最終更輸畀許靖韻!之後佢又對戰人夫陳家樂,兩人鬥啜時非常肉緊,上演男男咀嘴,引得全場嘩聲四起。

外母監場嘅子溢玩得非常小心佢同陳家樂兩位人夫激鬥時就不時狂咀

「開心無敵傳紫菜」同樣搞笑,恬妞為宣傳新戲完全豁出去,親自上場同獎門人啜紫菜,「獎老」之一林秀怡仲膽生毛自薦上場:「媽咪話人一世物一世,咩都要試吓嘛!」獎門人同恬妞傳紫菜時肉緊到扭晒頸,相反傳到秀怡時,獎門人一面嫌棄兼推開秀怡,場面搞笑。

獎門人呢集仲落場同恬妞傳紫菜

而陳自瑤同子溢喺玩「開心無敵落大閘」時大晒好演技,戲裏戲外同樣合拍嘅佢哋先上演「親熱戲」,而出名大隻嘅子溢又力王上身公主抱Yoyo,再四腳交纏演繹「鉸剪腳」,最後子溢腿張開扮生BB,玩得非常落力。

子溢同Yoyo合作,公主抱完又出彭丹成名絕技拱橋

到之後嘅「開心無敵開口中」戰況亦相當激烈,《出租家人》導演劉偉恒被拉落水玩埋一份,成為眾矢之的嘅陳家樂慘被圍攻,之後大混戰更演變成追逐大戰,羅天宇追擊子溢時不慎跣 低,睇見都覺得痛!最後嘅「開心無敵彈遮遮」,賴慰玲答問題時瘋狂亂噏廿四, 激到獎門人紮紮跳大嗌:「唔好畀佢返嚟,淋到冇水為止!」

《出租家人》嘅導演劉偉恒亦都有參與遊戲準爸爸陳家樂突然成為全場目標,變成忌廉人而Winki就因為激嬲獎門人而被罰狂淋水喇

《獎門人Happy Easter感謝祭》今晚 20:00 翡翠台

 相關推薦

熱門搜尋