BLACKPINK出新碟MV破紀錄 Jennie再被爆與V同遊合照

BLACKPINK出新碟MV破紀錄 Jennie再被爆與V同遊合照

近日推出新碟嘅韓國人氣女團BLACKPINK,新歌《Shut Down》推出短短一日已經衝破5千萬點擊,成績非常驕人。不過早前被黑容連環爆出同男團BTS成員V親密照嘅Jennie,亦再獲「贈慶」,趁新歌發佈再爆出佢哋早前甜蜜同遊濟州嘅圖片。呢日BLACKPINK成員一齊出發去美國,喺機場現身時Jennie心情似乎就未受緋聞踢爆影響喇。

周殷廷處男個唱門票火速售罄 考慮騷肌答謝歌迷支持

Yan Ting 周殷廷即將舉行首個個人演唱會《WHO IS YAN TING LIVE 2024》,門票日前(26日)公開發售,樂迷反應非常熱烈,當日朝早10點一開賣即刻死sever。雖然所屬唱片公司環球日前宣布裁員,但幸好Yan Ting嘅演唱會銷情並冇收到影響,兩場演唱會門票於開賣兩小時內火速售罄,為首次舉行個人演唱嘅Yan Ting 打咗支強心針。

Yan Ting 周殷廷即將舉行首個個人演唱會《WHO IS YAN TING LIVE 2024》。

作為Yan Ting 出道9年嘅首個個人演唱會,佢自然非常重視,親自擔任創意總監,希望為觀眾呈現一個唔同層次嘅視聽體驗,可以全方位多角度認識佢嘅音樂作品。

作為Yan Ting 出道9年嘅首個個人演唱會,佢自然非常重視,親自擔任創意總監。

3年前推出嘅《遲了悔改》令Yan Ting再次收到樂迷關注,《遲了悔改》於YouTube點擊率突破1千萬,成績驕人,而佢嘅新歌《三生有幸》,推出後短短13日亦已經突破100萬點擊,加上演唱會門票極速售罄,真係可喜可賀呀!Yan Ting 對此表示:「多謝大家支持!得知消息後其實我內心非常平靜,因為我沒有視之為終點,我會繼續努力進步,突破自己。」

《遲了悔改》於YouTube點擊率突破1千萬,成績驕人。

Yan Ting 依家積極籌備演唱會,佢向來飲食規律,所以唔會為咗演唱會而刻意增肌減磅,因為要確保有足夠力氣演出。除此之外,Yan Ting 堅持每日一餐嘅低碳飲食模式,平均一星期做3至4日健身,呢啲生活習慣自己維持超過10年。佢透露自己細個曾經係肥仔一名,始終做幕前工作都需要維持身形,所以入行之後堅持低碳飲食,而網民同粉絲都好好奇Yan Ting 開騷會唔會騷肌,佢就話會好好考慮,希望大家拭目以待!
Yan Ting 依家積極籌備演唱會,佢向來飲食規律,所以唔會為咗演唱會而刻意增肌減磅。

 相關推薦

熱門搜尋