洪嘉豪11月開處男戶外騷 預告會再展舞技

洪嘉豪呢日同Dear Jane喺西九文化區,出席戶外表演場地「WONDERLAND竹翠公園」啟動禮,同時洪嘉豪仲宣佈,嚟緊11月將會喺呢個戶外場地舉行自己首個演唱會。


對於可以喺戶外舉行自己嘅處男騷,嘉豪就話簡直係夢想成真,不過過晒都係處男騷,所以點都有啲緊張。講到個唱有咩賣點?嘉豪就話跳舞就一定嘅,因為而家自己個目標係做跳唱作歌手,到時可能會跳啲高貴嘅舞,又話而家已經開始邀請緊表演嘉賓。
Dear Jane嚟緊同C AllStar嘅演出早前就宣佈會加場,對於呢個消息阿Tim當然讚好,仲話之前得一場好驚唔夠喉,至於最新動向,Tim就透露將會出新歌,而首歌仲要係同合作無間嘅黃偉文填詞。

 相關推薦