(國語)蔡思貝靠中醫知識避過濕身 黃宗澤無辜被蔡一傑拖累

(國語)蔡思貝靠中醫知識避過濕身 黃宗澤無辜被蔡一傑拖累

譚輝智被揭家底豐厚做馬主自爆靚聲遺傳自爸爸培育

《中年好聲音2》嘅亞軍 譚輝智 得獎後被揭身份來頭不少,屬家底豐厚嘅富家子。完成比賽後,呢日佢同 黃劍文 林若盈 以及 陳蒨亭 由 胡渭康 帶領下到醫院做義工,探訪一班院友,除咗同佢哋玩遊戲之外,仲獻唱連串勵志、輕快歌曲以示鼓勵,令現場氣氛十足十開party一樣。

贏得亞軍嘅輝智,除咗得到大家認同令佢最開心之外,家人嘅支持對佢都係強心針,重提決賽夜當晚,輝智話當時心情的確非常緊張,一對子女喺電視上見到佢跳唱《屈到病》相當興奮,而點解會揀《記憶棉》嚟唱,係因為兩個小朋友都好鍾意呢首歌。至於日後會否投身娛樂圈,輝智表示自己有工作要忙,或會兩邊兼顧。

輝智透露全因爸爸嘅鼓勵佢先會參賽,自己有咁好嘅歌喉都係遺傳自一樣熱愛唱歌嘅爸爸:「爸爸好鍾意唱歌,早上九點就會開咪,每日都好準時,我就喺呢個環境下成長,所以屋企人全部都識唱歌。」輝智成為中二畢業生後,有意推薦妹妹參賽。

參賽後一夜成名,輝智瞬間人氣急升,除咗被揭家庭豐厚之外,仲話佢係馬匹「可愛新星」馬主之一,輝智話:「其實係我爸爸,佢由細到大都好鍾意馬,所以一有自己嘅馬之後,就用咗自己最鍾意嘅歌名擺落隻馬到。」

 相關推薦

熱門搜尋