Dear Jane音樂騷合體C Allstar 成晚狂講Gel全場搲晒頭

DearJane同CAllstar嘅一連兩場音樂會已經圓滿落幕，除咗戶外表演令歌迷更熱情之外，火上加油嘅就梗係唔少得佢哋嘅精釆作品啦。不過佢哋喺頭場成晚猛咁講「Gel」，搞到台下歌迷聽到一舊雲咁，好在佢哋有解釋大家先咩意思咋。

話晒今次都係第一次正式合作開騷，除咗佢哋合作之外，就連雙方歌迷都展開聯合應援，難怪佢哋話真係非常Gel，仲話要聯合埋組新團叫「Gel」呀。

原來開騷前阿King因為食鰻魚飯幾乎出事，骾到骨嘅佢仲嘗試用手掹失敗，之後救護員到場又愛莫能助，雖然冇影響到表演，不過都令佢非常唔舒服呀。