姜麗文Hip hop演繹古裝劇歌 文凱婷坦言難理解歌詞

姜麗文Hip hop演繹古裝劇歌 文凱婷坦言難理解歌詞

姜麗文(Lesley)與王梓軒組嘅「演鬥Band」呢日一齊錄製《我們的主題曲》,重新演繹經曲劇集歌曲,改編成搖滾曲風,姜麗文著得性感,非常搶眼,姜麗文受訪時笑言好開心,本身好少唱古裝式嘅歌,今次真係有一個Hip hop版本,身邊王梓軒續道:「正㗎!因為我哋有幾首歌,第一首係《義海豪情》、第二首係《哎呀哎呀親親你》,最後一首係菊姐嘅歌,Lesley話菊姐嘅歌點唱到,有一種古典味喺度,照唱R&B。」

姜麗文笑說從小已認識菊姐:「事實上係唔錯,因為公仔Auntie係我爸爸嘅friend,由細到大見到佢呢個style,我諗我唱呢啲歌,但真係好有趣,因為我加咗少少我嘅R&B。」

有粉絲專登到場支持,所以姜麗文同王梓軒都感謝粉絲到場支持,因當日天氣特別熱,粉絲仲特登過嚟,令佢哋好感動。

同場嘅文凱婷(Aeren)和李妍挑戰唱古裝劇主題曲,坦言唱歌詞部分有難理解,佢受訪時講:「啲歌真係冇聽過,可能我比較少睇古裝劇,緊張係喺歌詞,可能我嘅文化水平未去到嗰個位,又唔似係情歌,理解完都未係好理解。」Aeren透露嚟緊拍攝單曲MV,李妍則籌備第二首單曲。

王梓軒相隔四年再演利瑪竇 作客電台節目唱意大利文歌

由 王梓軒 主演嘅音樂劇《利瑪竇》相隔四年後,即將展開第三度公演。劇中飾演利瑪竇嘅王梓軒同之前兩次都有份演出嘅何洋,仲有新加入嘅Marco一同現身薛家燕、范振锋同思敏嘅電台節目,細談今次演出準備同感受。

王梓軒將會再次登台第三度演出《利瑪竇》
 
舞台劇由2014年已開始籌備,並由松哥劉松仁策劃並擔任總監製,梓軒回憶當時松哥搵佢幫手,同佢講有個故事好想做成舞台劇,但又唔係好識。當梓軒聽到松哥問:「可不可以免費幫手做個戲」時亦驚咗一跳,梓軒就話:「松哥叫到,我收你錢咩?應該係我請你食飯,你比機會我。」而初公演嘅時候,松哥亦好擔心會冇咁多人睇,直到而家越做越好真係一個奇蹟。

梓軒形容自己同松哥係二人亦師亦友關係,佢喺松哥身上學到好多演戲方法,松哥嘅高要求更令佢喺演技上得到突破:「松哥排練前曾經好嚴厲對我講,我初初識你嘅時候,你嘅演技喺第一階段,所有嘅情感都係真嘅,但當你進入咗《利瑪竇》劇組,多咗人同你一齊磨練,你慢慢學識咗演戲嘅技巧,但我唔鍾意睇技巧,所以我希望你盡快進入第三階段,就係有技巧,但我見唔到。」令有豐富戲劇經驗嘅家燕姐都話好高難度!

呢日佢同何洋(右二)、Marco(左二)接受電台訪問
 
講到今次公演規格升級,梓軒就透露到時唔止有管弘樂團伴奏,仲會有100人合唱團。當全體人員在台上演出時,感覺好感動。而梓軒更專誠同何洋及Marco喺節目中即場清唱劇中一段意大利文歌,梓軒話:「我地喺劇中冇合唱,為咗家燕姐今日訪問專誠練習合唱一段。」家燕姐都大讚梓軒意大利文好,梓軒解釋讀大學時學意大利文,覺得好浪漫,不過畢業一段長時間都有少少唔記得。
 
作為新加入嘅Marco表示自己係團隊當中比較細嘅一個,因為遲咗一星期先入組,見到大家已準備好,但佢仲睇緊劇本,所以排戲時十分緊張。

 相關推薦

熱門搜尋