港姐化身野人過五關斬六將 廖慧儀胡美貽挑戰走訪香港「秘密靚景」

 J2下月3號起推出一連二十集全新行山真人騷《港女野人》，4名港姐出身嘅J2ers何泳芍（Honey）、陳若思（Amber）、廖慧儀（Jessica）及胡美貽（Nicole）將挑戰港九新界不同難度系數山野、走訪香港「秘密靚景」、大玩水上極限及野外活動包括車中泊等，同時更要接受製作組安排大量考驗及訓練，鬥快「升呢」十項全能「女野人」！

《港女野人》挑戰四位港姐「野人指數」，到底啲Task有幾Harsh同Wild？

誓要逼出「港女野人」潛藏鋼鐵意志，製作組更安排佢哋挑戰山系常識大測試，當中Amber自稱有豐富行山經驗，去到實戰前夕嘅測試關卡，卻盡顯「九唔搭八」一面，除咗答非所問，Amber更帶埋啲「唔等使」裝備，令其餘三女傻眼兼憂慮。

港姐化身野人過五關斬六將。

為咗讓觀眾喺節目開播前對四位未來「女野人」有更深入認識，製作組發佈四位嘅詳細個人資料，防止大家睇節目時滿腦黑人問號！

佢哋走訪香港「秘密靚景」、大玩水上極限及野外活動包括車中泊等。

Amber喺《2020香港小姐競選》躋身十強。

Amber雖然人仔細細，但意志力無比驚人，間唔中又幾可愛，絕係「港女野人」中嘅傻大姐代表。

陳若思 Amber 《2020香港小姐競選》十強

封號：忽然爆Seed老鼠屎

原因：望落得啖笑的Amber，意外地擁有驚人意志！自小是「肥妹仔」的她激減30磅參選港姐，為免重踏「肥妹」之路，至今仍堅持每日至少做30分鐘運動。

特徵／專長：21吋黃蜂腰、鐵人級意志＋決心

座右銘：唔怕比人付出更多努力      
座右銘：唔怕比人付出更多努力        Honey喺《2018香港小姐競選》躋身五強。

Honey文又得武又得、夠硬淨又夠細心，喺團隊入面，佢係神一樣嘅存在。

何泳芍 Honey 《2018香港小姐競選》五強

封號：真‧野人港姐

原因：擁有超強運動常識，在團隊擔當照顧及排難者角色。自幼獲父母悉心栽培獨立性及硬淨度的Honey，九歲暑假被安排前往海南島接受特訓，並於22歲時在菲律賓考獲潛水教練牌。超強力量型直達「體力之鬼」級數，入水能潛、出水能Hike，四女之中行山經驗最豐富，堪稱「真‧野人」。

特徵／專長：擅長自由潛的她，可於41米水深中閉氣長達五分鐘之久。

座右銘：唔好畀恐懼阻礙自己

Jessica喺《2020香港小姐競選》躋身十強。

Jessica覺得做人最緊要忠於自己，佢係瑜伽導師，體態優美之餘，身手自然靈活又敏捷。

廖慧儀 Jessica《2020香港小姐競選》十強

封號：處變不驚女力士

原因：樣子Gfable的Jessica，私下是不折不扣的女漢子。體魄拍得住Honey的Jessica，是團隊中第二苦力擔當，喜愛粒聲唔出兼默默付出，無論發生咩大事都能時刻保持冷靜，是團隊中的定海神針。

特徵／專長：孔武有力、瑜伽導師

座右銘：呢個世上冇難行嘅山，係睇你意志力夠唔夠堅定

Nicole喺《2017香港小姐競選》躋身十一強，有「元祖級咪神」之稱。

Nicole份人原來怕悶又鍾意刺激，咁呢個節目啱晒佢啦。

胡美貽 Nicole《2017香港小姐競選》十一強

封號：義氣咪神、「元祖級咪神」

原因：雖然講嘢寸寸貢，又有不知哪裏來的自信，但Nicole私下其實相當窩心講義氣，更不時化身「小天使」為團隊成員打氣，是團結節目台前幕後重要一員。

特徵／專長：熱愛所有刺激運動，包括笨豬跳、雪上飄移及射擊，最怕就係悶！

座右銘：我唔會畀人生停留喺依家呢一步