每晚電視都會有唔同劇集陪住大家度過，不論中外除咗好多有知名巨星、浩大場面同埋錐心劇情嘅唔同類型劇集之外，處境喜劇一樣必不可少，仲可以為大家帶嚟幾聲笑嘅輕鬆時光。開播幾乎30年嘅《餐餐有宋家》唔知大家有冇印象呢？呢日佢哋就相隔多時齊聚一堂喇。

陳曼娜喺社交平台出Post，見當年劇中身為毛家媽咪嘅佢，同埋其他演員好似阿女宣萱、宋家嘅盧宛茵、久未露面嘅梁葆貞、尹揚明、黃紀瑩。加埋近日由大馬返港嘅余家成員張鳳妮，仲有呢日大宴各位老友嘅鄧兆尊齊齊出現。

黃紀瑩同宣萱相隔多年一樣咁靚

由大馬返港嘅張鳳妮同「順嫂」梁葆貞都有出席
當年《餐餐有宋家》仲有而家已經發展出自己影視王國嘅古天樂參與，可惜呢日就未有出席喇。其實呢班老友記每隔幾年都會約埋一齊見面聚舊，有人就話一見到佢哋各位就回憶返晒嚟咁話喇，大家又對邊套處境劇最有印象呢？

踏入新一年通常會約親朋好友去酒樓飲茶，羅蘭、李龍基及黃允財不時相約聚舊，早前同劉松仁及米雪飲茶，噚日李龍基喺IG動態貼出上月初佢哋搵埋石修、韓馬利「Mary姐」、盧宛茵、杜燕歌、著名監製梅小青及丈夫劉家豪飲茶嘅合照。

噚日李龍基喺IG動態貼出上月初嘅飲茶相。

相中見前輩級演員均精神奕奕，李龍基出名「寵妻狂」，當日有攜同愛妻Chris Wong一同現身，Chris更同羅蘭姐一齊整心心手勢，早已融入老公嘅朋友圈；而黃允財轉行做中醫師多年，同昔日圈中好友仍保持聯絡，黃允財專長針灸把脈，醉心鑽研中醫，黃允財已開設醫館行醫濟世，有時更免費為老人睇症。

李龍基愛妻Chris同羅蘭姐一齊整心心手勢，早已融入老公嘅朋友圈。（IG圖片）