區瑞強下月開騷碌爆人情卡 謝高晉搵陳靜做MV女主角艷福不淺

民歌王子區瑞強下月喺伊館舉行演唱會，呢日現身勁歌金曲錄影，佢今次碌盡人情卡請好友站台，逐個打電話，有啲就約出嚟食飯，三場搵咗十幾組朋友幫忙，每場不同嘉賓亮相，譬如袁偉豪同張寶兒一組、葉振棠同李龍基又一組。

區瑞強更翻唱故友陳百強歌曲《盼三年》作演唱會主題曲，區瑞強解釋係特登搵呢首歌，覺得歌詞剛巧講中佢嘅心聲，區瑞強續道：「啲朋友隔離咗3年，冇咩時間見面，好恨見到大家，台上台下開心玩番幾晚。」區瑞強更有高難度挑戰，與米雪合唱粵曲，作為門外漢，佢就搵前輩羅家英惡補，區瑞強坦言未試過唱粵曲：「我唔係好識唱，但重要係同米雪唱，主要唱係佢，唔係我！」

細貓應智越、安俊豪同樣就嚟開個人騷，細貓希望個唱盡善盡美，安俊豪則擔心清談環節，怕自己到時腦海一片空白，而謝高晉最近忙拍