阿Bob開工度過43歲生日 糖妹返港搏命食香港味

阿Bob近年周身刀有好多唔同發展，呢日係佢踏入不惑之年嘅第3年，撞正要為《黃金盛宴》開工，不過就有我哋準備蛋糕為佢慶祝喇。除咗生日蛋糕，話晒喺《黃金盛宴》有李家鼎同黎諾懿掌廚就梗係有食神啦，阿Bob就話生日有工開非常開心喇。

呢日阿Bob同啱啱簽新經理人公司嘅糖妹一齊擔任嘉賓，佢就話生日願望係屋企幾位小朋友身體健康，而防疫措施如果再放鬆百業復甦就更加好咁話呀。

返嚟香港冇幾耐嘅糖妹，好快又要離港工作，不過最令佢牽腸掛肚嘅就係香港嘅各式美食，難怪佢話呢日一定要大飽口福喇。