鄭俊弘因疫情3年未回加國 盼攜兒子見海外長輩

鄭俊弘、施匡翹及謝高晉呢日出席慈善活動，六月榮升老竇嘅鄭俊弘非常享受湊仔時光，不過最近佢因拍劇早出晚歸，少咗留喺屋企陪阿仔，搞到成日心掛掛，佢話朝早離開屋企覺得好唔捨得佢，惟有睇住屋企cam望住佢，鄭俊弘無奈表示：「好難安排，有時冇得返屋企，收夜又接住開外景，呢幾日少啲時間喺屋企，呢套劇拍到11月左右，希望拍完多啲時間陪阿仔。」

早前老婆何雁詩爆佢想再生第二胎，鄭俊弘表示有呢個諗法，不過唔係短期內嘅計劃，先等老婆休息多啲，至少兩年再計劃生B，講到入境檢疫「0+7」安排，鄭俊弘心郁郁想返加拿大見家人，因疫情三年未見過家人，佢坦言：「由結婚想返去同家人食餐飯，到而家仔都生埋，希望同阿仔生去見吓啲老人家聚一聚，真係太耐時間冇見家人。」