Grace與嘉賓大談失去的愛 B.O.Z走過牢獄喪親打擊

Grace喺最新一集《Love Matters with Grace》邀請饒舌歌手兼牧師 潘慶章（B.O.Z）擔任節目嘉賓，佢哋將會分享沉重嘅人生課題 —— 失去的愛。

B.O.Z曾奪得溫哥華Hip Hop歌唱比賽冠軍，出道後漸有名氣，正當佢準備同唱片公司簽約時，就因為一個錯誤決定而受牢獄之災，接連失去自由、事業同愛情， 更一度迷失自我，其後佢獲得假釋，之後以自傳同歌曲同大家分享重獲新生嘅故事。
Grace透露自己係因為拜讀過B.O.Z 嘅自傳而認識對方，而B.O.Z亦分享最近一次失去的愛，佢坦言爸爸兩個月前過世，每日都過得非常辛苦，不過自己知道如何走出困境同支持家人先係最重要嘅事。

而喺「Memory Lane」環節中，Grace問到B.O.Z嘅人生當中， 邊位係自己最大嘅失去，B.O.Z就指係自傳中提及過嘅前女友，因為喺牢獄中渡過一個生日時，發現前女友離佢而去投入他人懷抱，當時心如刀割，不過呢件事就拉近咗佢同家人嘅關係。家人每個星期都會到監牢探望，以前佢認為工作、音樂、朋友先係最重要，發生呢件事之後頓時發現家人先係佢最珍惜嘅人。

雖然爸爸最近過世，不過自己絕無遺憾，因為爸爸在世時，自己經常陪伴左右。最後Grace又同B.O.Z大玩「Spin the Bottle」 遊戲挑戰「Truth or Dare」，嘉賓仲罕有地轉出「Grace 回答」，究竟Grace會回答咩問題呢？

《Love Matters with Grace》，逢星期三晚 21:00 明珠台