梁朝偉郭富城《風再起時》代表香港角逐奧斯卡最佳國際影片

翁子光執導、梁朝偉與郭富城兩大影帝聯手嘅電影《風再起時》，繼早前成為第46屆香港國際電影節開幕電影之後，今日宣佈將代表香港角逐第95屆奧斯卡金像獎最佳國際影片!

該獎項係頒發予年度最佳非英語電影，過去香港作品曾4度競逐該獎項，出戰包括有張藝謀《大紅燈籠高高掛》、陳凱歌《霸王別姬》、王家衞《一代宗師》及曾國祥《少年的你》，今次係第5次有香港電影參與競逐，由香港電影製片家協會挑選及推薦下，代表香港角逐該獎。

 《風再起時》由翁子光執導及編劇，郭富城、梁朝偉、譚耀文、周文健、何佩瑜、金燕玲及張繼聰等參與演出，主要講述著名「四大探長」事跡，由郭富城演「磊樂探長」、梁朝偉飾演「南江」，還原五六十年代香港經濟起飛、社會貪污風氣盛行嘅年代。