楊洛婷與老公Tim再度蜜月 狂曬希臘靚相閃盲網民

自從入境檢疫措施改為0＋3之後，唔少藝人都即刻買機票出發去旅行，好似Rabeea楊洛婷最近都同樂隊Dear Jane主音老公Tim黃天翱出發去咗希臘再度蜜月！

連日嚟Rabeea都有喺社交平台出post，曬佢同老公二人世界嘅時光，就連老公阿Tim嘅出浴片，Rabeea都同大家開心share，真係隔住個mon都feel到佢哋玩得幾開心！

雖然佢兩公婆每日都keep住食同玩，但其實今次個旅程都有嬲豬事發生，事緣有晚佢兩個book咗餐有名嘅餐廳諗住撐枱腳，點知去到成個場都係人，阿Tim去問完先知原來有人book咗場搞party，所以根本冇枱畀佢哋食飯，佢兩公婆仲好搞笑咁話：「嬲呀！要Cancel人枱又唔通知！」之後Rabeea再喺限時動態度話其實真係有少少失望，因為佢哋期待之餘，仲行到好肚餓，不過當Rabeea將鏡頭轉過去影老公阿Tim兼問佢轉食咩好，阿Tim不經意咁答打算同老婆轉食希臘菜，搞到Rabeea即刻笑返反問：「請問喺希臘除咗食希臘菜仲可以食咩？」唔少fans睇到佢兩公婆嘅互動同放閃相，都留言讚佢哋勁sweet呀！

（Instagram圖片）