小S爆姐夫具俊曄係寵妻魔人 免大S行路直接抱去廁所

小S爆姐夫具俊曄係寵妻魔人 免大S行路直接抱去廁所

台灣藝人大S徐熙媛今年3月中突然同初戀韓國男友具俊曄結婚,之後兩口子不時放閃,具俊曄更加係寵妻無上限,之前拍廣告時仲趁機再同大S告白,完全無甜到惹蟻嘅情度。

不過喺具俊曄嘅世界入面,沒有最寵只有更寵!呢日小S徐熙娣出席服飾品牌活動嗰陣,就爆姐夫喺屋企嘅寵妻實錄!小S話只要有具俊曄喺度,大S根本唔需要落地行路,只要大S講一句「Oppa」,具俊曄就會抱大S去唔同嘅地方甚至去廁所,睇到眼怨嘅小S都笑家姐而家就好似一個唔識行嘅人咁,佢又叫家姐要買返個護腰嘅腰封畀姐夫。

已經好耐冇喺幕前演出嘅大S,早前就拍咗個廣告,問到小S家姐嚟緊會唔會復出?小S就話之前家姐拍廣告嗰陣,自己就去現場以示支持,仲話每當影完一張相,小S都會大叫「美!」嚟畀信心大S。雖然當日拍攝相當順利,但係當小S問到大S係咪可以再同觀眾見面,大S都係話未得住。

講到大S有份擔任製作人、小S主持嘅節目《熙娣想聊》入圍金鐘獎,問到屆時會唔會見到佢兩姐妹一齊行紅地毯?小S就話大S似乎係想低調過生活,沒有要同人類有直接接觸,至於問到小S準備妹戰衣未?佢就表示暫時仲未搵到一件淨係可以得小S先Carry到嘅戰衣。

被汪小菲指離婚前寄奢侈品到韓國 大S聲明否認再爆家暴又出軌

汪小菲 同 大S 徐熙媛 之間嘅是非同官司可謂沒完沒了,汪小菲噚日(19號0就早前喺網上公布兩人離婚調解筆錄同筆錄內嘅個人資料,被大S提告違反「個資法」一事到台北地院出庭。

汪小菲上庭抗辯時指責大S,今日大S勞氣發聲明否認

汪小菲喺庭上指佢同大S離婚前4個月,對方透過佢司機、員工碌卡,買咗1200萬元台幣(約300萬港幣)奢侈品再寄到南韓,而汪小菲指自己係唔知點解。對汪小菲喺法院所指嘅人係咪大S現任丈夫具俊曄時,汪小菲隨行人士指冇再需要受訪。

大S發聲明反擊,字裡行間充滿怒火

大S先指碌卡購物經汪小菲同意,仲爆受家暴而致「二死一重傷」

噚日冇出庭嘅大S,今日(20號)下午就喺社交平台發聲明,指出:「婚內出軌的是你不是我。離婚我確實為了洩憤刷了你幾次卡,但這是你自己簽字允許的,重點是我並沒有刷你的卡買任何東西給我先生。

具俊曄被牽扯入大S同前夫嘅官司當中

大S再列出三點解釋自己當時憤怒原因,佢再指十年婚姻二死一重傷(意指兩次流產及一次懷孕是危急),刷卡洩慣這事,現在想來也可笑,因為我借你、付出在你身上的多更多,刷你的卡,花的卻是我自己辛苦賺來的錢。最後大S指今後不再回應關於汪小菲等人所製造的種種抺黑,全權交給法律和司法。

 相關推薦

熱門搜尋