陳凱琳大仔被讚上鏡 爆鄭嘉穎憂心囝囝入行

陳凱琳入得廚房出得廳堂，呢日出席飲品店開幕活動，即席露兩手表演沖茶，見佢有板有眼咁絕冇失禮。原來陳凱琳本身鍾意煮嘢食同沖嘢飲，仲自揭之前試過咖啡拉花整到一鑊泡，佢續道：「我自己鍾意一啲偏甜嘅飲品，我老公(鄭嘉穎)比較健康少少，五青汁嗰啲有打過畀佢，我試咗一啖就……而小朋友就唔想畀佢咁早飲甜嘢，我試過有次買黑糖鮮奶，我覺得咩都要畀小朋友試吓，唔可以畀佢哋覺得點解大人得，小朋友就唔得，畀佢試過就會唔飲，就會行開，好過成日唔畀佢，佢又好渴望去搶嚟飲。」

陳凱琳最近幫囝囝安排活動放電，佢指大仔對游水好有興趣，講到囝囝好上鏡，陳凱琳坦言：「我哋最擔心係佢將來入呢行，畀佢自己揀，當然呢行有好有唔好，佢都係要自己嘗試。」陳凱琳講明暫時唔畀阿仔拍廣告：「想囝囝keep住有童真去返學，唔想佢咁快好似工作。佢哋嘅純真好可愛，所以想keep耐啲。」