林鈺洧感謝爸爸林俊賢護航 許子萱望與山聰馬明合作

港姐冠軍林鈺洧、亞軍許子萱、季軍梁超怡及「友誼小姐」邢慧敏,新鮮出爐嘅2022港姐呢日出席品牌活動,講起冠軍林鈺洧最近被翻舊賬,慘遭網民攻擊,林鈺洧感謝爸爸支持同鼓勵,佢開心遇到挑戰後,睇法長大咗,佢唔排除同爸爸林俊賢拍父女劇,等公司安排。

對於被指同袁文傑撞樣,邢慧敏承認神態幾似,有機會都想同袁文傑合照,前兩日喺化妝間見到袁文傑,不過當時袁文傑正在忙,所以邢慧敏未有上前打擾,佢亦唔介意被指「女生男相」,感覺幾得意,而許子萱同梁超怡則笑稱目前可以安心大飽口福,選美結束唔需要再節食,許子萱有約朋友食飯打邊爐,講到最想合作嘅藝人,許子萱就想同前輩陳山聰、馬國明合作。

 相關推薦