張繼聰首戰金馬影帝歸功團隊 籌備10月個唱勤練歌

第59屆金馬獎日前公佈名單，張繼聰憑《窄路微塵》首次提名金馬影帝，惡鬥林家棟同張孝全等人角逐此獎，演技獲得肯定，張繼聰稱覺得好滿足：「任何崗位得到肯定，我只係一個代表，呢個係成個團隊功勞，大家好畀心機去拍，個故事係講港人面對疫情，當中互相扶持。」

講到同劇嘅袁澧林獲提名最佳女主角，越級挑戰「老戲骨」張艾嘉，袁澧林得知角逐金馬影后即場爆喊，張繼聰指起初覺得袁澧林適合呢個角色，所以佢先推薦袁澧林畀電影公司，認為年輕演員需要機會同提攜；張繼聰目前忙於籌備十月演唱會，每個星期要練歌上堂，為個唱好好努力！