歌手現身國慶文藝晚會 After Class散發初熟女性美

歌手現身國慶文藝晚會 After Class散發初熟女性美

大班歌手喺10月1號晚,一齊出席國慶文藝晚會表演,除咗久未喺香港演出嘅呂方同蘇永康之外,JW、菊梓喬、鄭融、姜麗文,又有鄭俊弘同袁偉豪待男聲演出,當然唔少得聲夢成員同After Class啦,而四小花嘅一身打扮仲散發出同佢哋平時青春活潑唔同嘅另一種味道呀。


After Class終於再齊集舞台一齊表演,佢哋就對一物打扮非常滿意喇。近日佢哋又齊齊迷上電動滑板車,Yumi仲成為大家嘅小老師,點知大家一試就難以自拔,玩到唔願走呀。

而放假離港旅行一段時間嘅HANA,就被指係去夠緋聞男友吳卓羲,呢日佢就未正面回應,只係話自己旅行放假咋。而同HANA仲有JW、Lesley一齊為節目打頭陣嘅鄭融,就話呢晚係苞次為國慶表演,仲話已經準備好生日周嘅來臨喇。

而新近成為爸爸嘅阿Fred,就話無時無刻都會掛住BB,仲話寶貝仔啱啱4個月大,佢同太太個個月都會為佢慶祝咁話呀。

《再見‧枕邊人》結局丨Final Big Boss 揭盅!「暗黑父子情」張國強慈父Tone感染力強

TVB劇《再見‧枕邊人》噚晚(28日)劇情跌宕起伏非常精彩,高潮位一定係晴天(黃智雯飾)與長勝(羅天宇)喺迷你倉檢查小敏(區明妙飾)遺物嗰陣被跟蹤者搶走重要證物,正當觀眾為二人感到肉緊,劇情驚現反轉位揭示「晴勝」原來係故意被跟蹤,一切只係設局引「大凌生」凌頌恆(張國強飾)上當,令小敏被強迫吸毒致死嘅影片透過直播公諸於世。

晴天與長勝到迷你倉檢查小敏遺物,被幪面人搶走重要證物。「晴勝」故意被跟蹤,一切只是設局引「大凌生」上當。小敏被強迫吸毒致死的影片 透過直播公諸於世。

雖然影片影唔到兇手樣貌,由於手上戴藍寶石戒指為「大凌生」標誌性飾物,深知被全城認定係兇手大凌生知道大勢已去後,第一時間係抱住與愛兒Alex(鄭俊弘飾)合照跌坐地上痛哭,並向Alex留下告別口訊:「爹哋唔能夠再陪你,你以後好好地靠自己。」當大家以為大凌生罪有應得,劇情竟再有反轉,原來Alex先係殺死小敏嘅真兇,同時亦係林秀怡劇中死去妹妹嘅兒子Bosco生父!大凌生為保兒子聲譽,背後可謂下咗唔少苦功。

全城直播拍下小敏死亡真相的影片,以及大凌生看到影片時的反應。Alex 與大凌生呢段「暗黑父子情」歪理得好感人。大凌生溺愛兒子 Alex,決定代子頂罪,善美安排 Alex 到美國避風頭,但 Alex 唔肯離開。

今晚(29日)大結局, Alex將終極大暴走,擄走晴天至荒山野嶺進行報復,善美(張曦雯飾)及萬森(馬德鐘飾)先後趕到現場營救晴天,其間萬森與Alex上演連番激戰,同一時間當年謀害晴天嘅Final Big Boss真身終極揭盅,答案絕對令人意想唔到,四人混戰期間,竟然有一人最終墮崖身亡,結局可謂反轉再反轉!

原來 Bosco 生父係 Alex,二人亦早在醫院相遇。Alex係殺死小敏的真兇,同時亦是林秀怡劇中死去妹妹的兒子Bosco生父!

結局周以洋蔥式揭出真相令人驚艷,大凌生與Alex呢段「暗黑父子情」相當吸睛,大凌生喺入獄前專誠拍片畀Alex,以極慈祥父親口脗講出「就算你闖幾多禍都好,我都幫你孭晒」、「就算你一事無成,你都係爹哋最錫嘅仔」。由於大凌生實在講得太感人,Alex流下自責眼淚並爆出自己先係殺區明妙真兇:「我唔……應該戴你隻戒指!我唔應該害死小敏,係我累咗你,對唔住。」劇飾演經常闖禍富二代Alex嘅鄭俊弘(Fred),對於擔演此角直呼過癮,坦承尾段演出難度較高:「要Keep住好崩潰、好緊張、好癲喪嘅狀態,要好快由0去到100,需要好多energy,但呢個角色好好玩。」

晴天今晚將被擄走,再次身陷險境。善美與萬森先後趕到現場,萬森認為善美有份加害晴天。

鄭俊弘以往大多數演乖乖仔,坦言是次演奸角好有得著:「永遠唔可以諗自己係奸,同自己講係好嘅,你就可以好完整同埋justify到你角色所做嘅嘢。」鄭俊弘又指拍攝時兒子鄭讚廷(Asher)出世冇耐,初為人父卻要達宵達旦開劇,只能夠透過視像及家用監控鏡頭與兒子「見面」。
混戰期間有人墮崖身亡,究竟會係邊個?鄭俊弘大結局將終極暴走,值得期待。

 相關推薦

熱門搜尋