鄭伊健迎接55歲生日 11月再登紅館開個唱

娛樂新聞

2022-10-02 21:30

星期二就係「浩南哥」鄭伊健嘅55歲生日，日前佢仲宣佈11月就會突襲紅館，再次展開6場個唱。呢日伊健就獲工作人員為佢預先慶祝生日，好一段時間冇公開露面嘅佢仲話，感覺驚喜又開心呀。

伊健又話已經好一段時間冇同大家見面，自己同唔少人一樣都患上「疫情肥」，所以有努力Keep Fit保持體格。佢嘅太太蒙嘉慧移居日本投入房地產生意，伊健仲曾大膽直指老婆變肥婆，不過呢日佢同記者見面就展現強大求生慾，死都話冇咁形容過喇。

雖然紅館發生意外後，已經陸續有唔同表演繼續展開，不過伊健今次個唱就會以三面台形式進行，而舞台設計亦會以安全為前題，佢仲話希望今次製作希望大家有睇Live電影嘅感受咁話，仲希望大家睇完騷之後對舞台表演會重新有正面嘅睇法。

一向愛好新奇事嘅佢，又話希望個唱之後衝出香港，去唔同地方體驗，仲認為人生咁長，大家都可以當係悠長假期一樣可選擇自己最舒適嘅生活，仲話心中已經有幾個地方想去體驗同生活呀。

鄭秀文確診新冠病毒病足9日坦言體力尚未恢復

娛樂新聞

2023-05-22 18:30

50歲樂壇天后鄭秀文（Sammi）將於7月舉8場行紅館演唱會，一向工作狂嘅Sammi除咗積極排練，近日忙於為新歌《致我們的夢想》宣傳造勢，Sammi凌晨喺社交平台稱自己病倒，早前不幸確診新冠肺炎。
Sammi凌晨喺社交平台稱自己病倒，早前不幸確診新冠肺炎。

Sammi透露於本月13號確診，病咗足足9日，直至至噚日先完全康復變回「一線」，佢坦言體力仍未恢復，因確診令演唱會所有排練無奈停頓，耽誤咗好多時間，目前變回「一線」，但係Sammi仍要耐心等體力恢復，佢初初以為兩三日就會完事，只好耐心地等待；Sammi一向對自己演出要求一絲不苟，不少fans擔心佢放唔低工作，勸佢要好好休息，體力要用2星期先慢慢恢復，希望Sammi唔好夾硬復工。

鑽石山兇案｜兩名女死者身世曝光原參加生日飯局豈料共赴黃泉

温拿樂隊成立50載拍紀念音樂特輯譚詠麟回想首踏足紅館感觸良多

Jisoo確診將缺席BLACKPINK大阪演唱會粉絲失望未能睇開花舞

吳偉豪公開童年照網民讚吳大強廿年樣貌冇變