鬼鬼節目新一季升職做店長 浩子莎莎加入經營餐廳之路

台灣一個以經營餐廳為題嘅節目新一季開播，上一季已經有份主持嘅鬼鬼吳映潔今次仲會升職做店長，加埋新加入嘅浩子同莎莎，仲有炎亞綸同庹宗康等人，呢日記者會就有說有笑喇，不過唔知今季會唔會又繼續因為唔同問題引起爭執呢？

要做店長睇檔嘅鬼鬼就話咁大責任一啲都唔易處理，要一眼關七之餘，仲話同上一輯一樣自己都喊過好幾次喇，仲話同炎亞綸互相添加咗唔少壓力呀。

雖然飲食業會遇到火同埋滾熱辣嘅食物有一定危險，不過有份主持嘅姚元浩今次就遇到蜜蜂攻擊，好彩有炎亞綸出手相助，不過佢哋呢日講返就似乎講笑多過擔心咁喇。