愛情占卜結果你頂得住冇? J2ers一問塔羅即O嘴

愛情占卜結果你頂得住冇? J2ers一問塔羅即O嘴

唔少人遇到生活疑難都會占卜問前程,而聽晚播出嘅《J2ers︰不正常愛情研究所》播出,就以「愛情占卜」做主題喇,喺《通靈之王》中曾經現身嘅西洋魔法顧問;國際級塔羅占卜師 Jessica擔任嘉賓,即場為猜贏包剪揼嘅J2ers Alan吳兆麟同Jojo黃紫恩解答戀愛難題。 


Jessica指塔羅牌可以反映人嘅潛意識,能夠測出未來12個月嘅事。而率先進行占卜嘅Alan,一開始就自爆有意中人令全場起鬨;可惜問到同心儀對象有冇發展機會時,就被測出自己係「第三者」。

一個唔覺意幾乎做咗小三嘅Alan頓時晴天霹靂,仲疑似有啲眼濕濕!Jessica又指出Alan心儀對象係桃花爆旺嘅靚女,仲指出佢哋「戀人未滿」嘅最大障礙!「花生友」Karen胡敏芝同Jojo就即刻爆料話知道呢位對象係邊個喇。

之後Jessica又利用「占卜棒」測出Jojo今年姻緣運好,幕前工作亦會大增。曾喺訪問中大爆首任男友出軌兼令「小三」懷孕嘅Jojo, 仲獲占卜棒認證係「渣男磁石」,Jessica仲點出Jojo一大「死因」係衰心軟呀。Jojo亦把握機會繼續發問,其間仲疑似自爆有新對象呀!

Jessica又喺節目中分享千奇百趣嘅占卜事蹟,自認第六感超準嘅Jessica,指自己曾一眼睇穿男客戶嘅事業同居住地區,相當神奇。Jessica又話試過幫客人為逝去嘅感情「起死回生」, 仲話占卜結果可以「改變」,更公開當中兩大秘技!

至於同Jojo一樣自認迷信嘅Karen同Koba文頌男,占卜經驗都相當豐富,Koba自稱曾獲批去年八月會遇上結婚對象,對方仲係「靚」人一名;而Karen就對占卜有一套相當矛盾而又獨特的見解喇。Susuca麥惠琪因為本身信奉天主教,唯一一次相關經驗係被前度拉去占卜感情狀況,令佢大感尷尬呀。


《J2ers︰不正常愛情研究所》逢星期四晚 23:00 J2(82台)

不正常愛情研究所丨Koba文頌男化療無效腫瘤變大 感覺開始活得好冇尊嚴

Koba文頌男舊年年尾喺社交平台公開有個惡性腫瘤喺自己嘅椎間近盤骨附近嘅位置,之後要接受第一階段治療。Koba喺3月27號分享病況,佢話做咗五次化療,治療無效,照咗磁力共振,發現個腫瘤仲變大咗少少。直認感覺好無奈嘅Koba指聽到醫生講「個治療冇乜效果、個腫瘤仲要大咗少少,最後一次化療都唔好做喇,準備做電療啦。」嘅時候,心情好似跌咗落深淵。佢真係好驚,感覺距離死亡又近咗一步,而且可能唔係死咁簡單,係會死得好痛苦,因為下肢 、盤骨附近嘅位置係越嚟越痛,痛到開始連嗎啡都冇辦法舒緩到,身體仲會不自覺抽搐,有啲身體部位已經變得麻木,排泄方面都開始出現好多問題(呢部分太羞恥都唔想講太多),我開始有種感覺係「我活得好冇尊嚴」,因為行動不便、痛,每日都係喺屋企對住四埲牆,幾乎零社交、零工作,每日都活得好似好無意義咁。

今晚(28 日)終極篇 7 位主持齊集。

Koba再指自己由細到大都遇到唔同難關同挑戰,就算每次嘅挑戰都越嚟越困難,佢都靠自己一一跨越過,但個天就好似好想佢死咁,唔肯放過佢,唔想畀佢輕鬆。佢又講到就算自己想放棄,但其實根本唔知可以點放棄。因為未死嘅話,佢都只能夠選擇堅持。依家每日都痛、非常痛,無一刻唔痛,每日度日如年,佢亦唔知幾時可以開始電療、幾時先可以舒緩到嘅痛楚,只係盼望可以快啲唔痛。Koba話真係覺得好攰、好攰、真係好攰。

Susuca 想起 Koba 的病況,忍不住喊起來。

Koba亦講到好多癌症病人即使表現得有幾堅強、幾樂觀都好,都會有佢以上類似嘅諗法。但會咁樣諗唔代表佢放棄,Koba話自己仍然好努力對抗呢個病,即使幾唔想食嘢,都逼自己食;即使幾痛都好,都逼自己要郁吓,唔好畀啲肌肉退化得咁勁。佢仍然好熱愛自己嘅拍攝、演出工作。好希望有一日可以康復、行動自如,可以繼續返呢啲工作。

Jojo 祝願 Koba 做到 1,200 集

Koba有份主持嘅《不正常愛情研究所》喺今晚(28號)播出第91集,7位主持濟濟一堂講出做主持嘅感受之餘,喺節目中終極互數對方。《聲夢傳奇2》出身嘅Kim係最後期加入節目嘅主持,佢誇口雖然半途出家,但一直「驚都未驚過」。此話一出即時惹嚟其餘6位主持反擊,有片有真相被翻「黑材料」,回帶片段中見到Kim第一次擔任主持一職時,唔單只講嘢口震震,雙手又顯出非常不安。喺避無可避之下Kim即刻認輸,兼轉風向話︰「係驚嘅,但當時好努力跟住Doniven個flow。」

Doniven、Gillian 以「有故事的人」身份加入成為主持。

呢集每位主持言行都去到好盡,Gillian收到嘅短訊仲露骨「你好靚,真係好靚,靚就贏咗。最記得係Doniven話要食你嘅臭鮑魚……」。原來係出自Kim嘅手筆,佢解釋「臭鮑魚」係指Gillian下廚煮畀大家食嘅鮑魚有臭味。

在「棉花糖女孩」一集製作組為各主持 P 了一輯肥仔肥妹相。

除咗「爆料」,呢集亦有令人感動嘅情景,Susuca同Jojo分別為患病嘅Koba送上祝福,Susuca講到對Koba嘅印象時話「初初識你嗰個月開廠就傾偈,知你又拍拖又分手。有日見到你腰痛不停問你咩事,後來你公布患病消息,咁細個就要經歷咁多嘢,加油快啲好返,做你想做嘅事。」接住佢喺節目中哭成淚人,調轉番要Koba安慰。

Karen 及 Jojo 被翻出中學時期的黑材料。

《不正常愛情研究所》逢周四晚10點J2 (82台)播映

 相關推薦

熱門搜尋