胡美貽遭全家反對入行 何泳芍藉行山走出暴食症

四個女仔、夜闌人靜圍埋一齊,最啱嘅當然係傾吓心事啦!四位港姐出身嘅J2ers:Honey 何泳芍、Amber 陳若思、Jessica 廖慧儀同Nicole胡美貽,拍攝J2節目《港女野人》嗰陣,行山去到山頂露營。對佳個靚夜景時,就開始傾起心事嚟,期間Nicole同Honey仲講到喊晒呀!

Nicole坦言家人反對佢入行Nicole坦言家人反對佢入行

先係Nicole含淚表示佢嘅屋企人其實唔贊成佢做呢行,因為覺得演藝圈嘅工作太不穩定,成日擔心佢會冇工作做,Nicole話:「好多時人生有機會係要把握,放棄咗 的話你唔會知道結果係會比預期更多。」而曾經患暴食症嘅Honey,坦言喺大自然因為冇咩人會望住佢,所以心情會比喺城市中放鬆,Honey又話自己係一個比較敏感嘅人,經常要控制住自己嘅情緒:「因為大家都覺得我好似好開朗,但其實最辛苦係自己一個嘅時候,行山係幫助到我行出個病。」

Honey直言獨處時最難受Honey直言獨處時最難受

四人喺節目入面互訴心事四人喺節目入面互訴心事

成日都話一班人行山唔好擅自離隊,今晚播出嘅一集《港女野人》就完美解釋咗個原因!Honey喺城門水塘行山期間脫離大隊獨自行動,之後仲不慎迷路兼拗柴,一眾隊員因為搵唔到佢而大為緊張,想知大隊最後點搵返Honey?記得留意今晚播出嘅《港女野人》!

《港女野人》星期一至星期五 22:30 J2


 相關推薦