演戲經驗豐富又有一對電眼嘅梁朝偉，4號飛抵韓國釜山，今日親身出席第27屆釜山電影節開幕儀式，身穿白色西裝嘅偉仔據報同老婆劉嘉玲一齊同行，而偉仔喺開幕禮獲大會頒發「亞洲電影人獎」。

偉仔獲獎後以英文發表得獎感言，佢話非常榮幸可以得到呢個獎，亦多謝大會畀機會佢再次嚟到釜山，令佢有機會同韓國嘅fans見面。而電影節將會播放6部由偉仔親自揀選同演出嘅經典作品，之後偉仔亦會參與當地嘅打手印活動同接受唔同嘅訪問。

《射鵰英雄傳之東成西就》 (1993)
《春光乍洩》 (1997)
《暗花》 (1998)
《花樣年華》 (2000)
《無間道》 (2002)
《2046》 (2004)

播出時因為無盡笑料大受歡迎嘅《痞子殿下》續作《痞子無間道》，呢日正式舉行開鏡拜神儀式，有份演出嘅原班人馬好似 周嘉洛 陳瀅 王灝兒 朱敏瀚 都將會繼續喺全新故事現身，主角嘉洛 同 陳瀅 亦都繼續會有感情線，但係佢哋就話重點會比上一集更加搞笑喇。

朱敏瀚 上集痴情深愛 王灝兒 新一輯朱仔睇打扮就繼續有型，但係手上舊傷就令佢拍攝有少少阻滯， 曹永廉 同 麥美恩 就大爆拍攝時程緊密，所以朱仔就要加倍小心演出喇。

車婉婉 主持完《中年好聲音》回歸劇組，既拍《痞子》同時又要拍《新聞女王》，仲忙到因為雙眼輪流發炎要搞到開刀呀。而 黃子恒 仲話今次拍攝安排緊密，自己破咗留宿公司最多嘅個人紀錄呀。