無綫55周年台慶劇《美麗戰場》開播後話題不絕，蔣家旻飾演嘅「反骨琪」由頭奸到尾，觀眾睇到咬牙切齒，琪琪壞事做盡，更色誘訓導主任馬Sir開出50萬肉金，令其踏上絕路，呢日車廂纏綿戲份，其實係第一日開工就要埋位拍，「馬Sir」陳嘉輝事前好緊要，反而蔣家旻跟前輩合作好興奮，最記得對方當年演「馬文才」好型，陳嘉輝感謝蔣家旻畀信心等自己可以放盡去演。

另外今次演壞女人嘅楊卓娜覺得好過癮，而吳家樂本來要增磅拍攝，可惜未達標要裝假肚臍，佢哋覺得角色有好大發揮。而另一邊廂的孫慧雪，則要一改型像飾演陳瀅於劇內冷酷的助手。

蔣家旻飾演嘅「反骨琪」由頭奸到尾。

馬Sir闖進鍾家士多欲帶走琪琪，發現被琪琪出賣。

5號晚嗰集馬Sir為琪琪負債累累，更鋌而走險貪污，最終事敗並遭警方追捕，馬Sir闖進鍾家士多欲帶走琪琪，發現被琪琪出賣，一怒之下將琪琪及同場嘅家寶（陳瀅飾）挾持，其間馬Sir企圖強姦琪琪，家寶為救妹妹以磚頭扑暈馬Sir，喺二人逃走期間琪琪竟調轉槍頭將家寶推向發狂嘅馬Sir。

一怒之下將琪琪及同場嘅家寶（陳瀅飾）挾持，馬Sir企圖強姦琪琪。

芳姐怒摑琪琪，令琪琪憤恨指數再度飆升。

對於角色連續三日遭鬧爆兼人人喊打，蔣家旻搞笑指葉念琛係Big Boss，叫大家要鬧就鬧葉念琛，笑言角色成功全靠葉念琛寫出精彩對白。

琪琪靠攏黑社會大佬「威爺」，睇住傻強被打時露出冷笑。

TVB新劇《隱門》噚晚（5號）呢集劇情主要圍繞楊忻曉Madam Yeung（湯洛雯飾）著手調查「衰老公」阿Mike死因，其間揭出阿Mike臨死前將買畀心月（黃智雯飾）嘅人壽保險，由 1,500萬臨時加碼至3,000萬；由於事情太巧合，令Madam Yeung矛頭直指心月及葉嘯天（吳岱融飾）。

可瑩與Mandy戲內戲外均感情要好。楊可瑩憑一雙眼睛清楚表達出失去父親嘅傷痛，眼淚流得自然。

噚晚亮點就係是飾演黃智雯女兒晴晴嘅楊可瑩，雖然被氧氣罩遮住大半塊臉，但當得悉爸爸離世後，仍可憑一雙眼睛清楚表達出失去父親嘅傷痛，眼淚流得自然。黃智雯受訪時大讚 「阿女」啲眼淚話嚟就嚟，事前 「阿女」唔需要醞釀，小朋友嘅情感永遠就係最單純、最真摯！

黃智雯正式落水前仲要被劇組額外「淋水」加工。黃智雯凍到「慘叫連連」，要淋濕完個身、再噴濕晒臉。兩位演員落水前都有briefing，安全至上。

阿Mike浸死真相成本周劇情關鍵，據知拍攝呢場重頭戲當日氣溫只有12至13度左右，身穿短衫短褲嘅「衰老公」黃子恆為配合劇情，須不斷上完水再落水，絕對係耐力及體力考驗。黃子恆全程衣衫盡濕兼凍到流鼻水，一度要脫去上衣擠出水份。

一落到水，黃子恆同Mandy即投入工作mode。

佢身上面嘅水，係多到可以扭到大量出嚟。昨晚播出阿Mike同葉嘯天喺遊艇上嘅搏鬥場面，不過呢啲都只係Madam Yeung嘅猜測。

黃智雯真係同黃子恆「有難同當」，正式落水前仲要被劇組額外「淋水」加工，凍到黃智雯「慘叫連連」，最終黃智雯專注地完成拍攝工作，拍完表現雀躍，不單止對住鏡頭大力揮舞雙手為自己打氣，黃智雯披住毛巾兼大叫：「啲海水好鹹」。對於Mandy素顏落水， 網民留言大讚佢係「天然美女」。 對於劇集播出後被指演出似「師奶」多過似Madam嘅湯洛雯（靚湯），在社交網以正面態度回應負評，並上載「嘟嘴」照：「虛心接受批評，才能進步……謝謝所有有留意我演出的觀眾，好的、不好的，都袋落袋，這湯會加油變成更好的湯！」湯洛雯更不忘以「師奶仔」自嘲，相當可愛！

劇集播出後湯洛雯被指演出似「師奶」多過似Madam。
《隱門》逢周一至五晚八點半翡翠台播映