[電影泉攻略] 泉叔每周精選心水猛片 花絮加專訪全天候供應

被譽為今年最豪華卡士陣容嘅電影《阿姆斯特丹》，開拍以嚟保密功夫做到好足，導演David O. Russel仲Skip晒所有影展，要等到套戲上畫觀眾先知有咩卡士演出！而《阿姆斯特丹》又真係不負眾望，因為部戲雲集咗15位好戲之人，除咗三位主角前：蝙蝠俠Christian Bale、小丑女Margot Robbie、天能嘅John David Washington之外，仲有殿堂級金像影帝羅拔迪尼路、波希米亞狂想曲嘅影帝Rami Malek、后翼棄兵嘅Anya Taylor Joy等客串演出，相當星光熠熠！

而今集「泉叔派福利」會向答啱問題嘅頭15 位觀眾各送出2張《深宵閃避球》嘅換票證，問題係：喺《深宵閃避球》入面，由鄭伊健率領嘅8位問題少女，所組成嘅閃避球隊隊名叫咩？

知道答案嘅朋友可以喺10月6號 21:00 DM我哋TVB 娛樂新聞台嘅Facebook專頁，註明係「電影泉攻略泉叔派福利」。 

*記得記得，21:00前send嚟嘅答案，係唔算數㗎! *

王鎮泉 Jeoffrey 每星期為你提供最熱辣電影資訊，中外猛片專訪花絮上映時間全部集齊。「電影泉攻略」每周四買定爆谷陪你睇新戲。

雖然泉叔去咗新加坡，但佢仍然為大家搜羅各大電影消息！DC今年嘅大作《閃電俠》雖然仲未上映，但係已經大獲好評，喺最新釋出嘅幕後花絮入面，閃電俠仲穿越時空去咗個正義聯盟唔存在嘅世界，搵蝙蝠俠出山，當中最震撼嘅莫過於入面搵返1989年版本嘅Michael Keaton嚟演，Michael見到蝙蝠俠個場景，感動到忍唔住影低send畀當時嘅導演添布頓。

呢個星期嘅新片速遞有《蜘蛛俠：飛躍蜘蛛宇宙》，講述蜘蛛仔畀神秘力量帶入充滿各式各樣超級英雄嘅多元宇宙，蜘蛛仔仲被逼同佢哋展開大對決。《凶門惡煞》高中女生經歷喪母之痛，同身為心理治療師嘅爸爸終日喺悲傷中渡過，但某天治療師嘅病人闖入屋兼離奇慘死家中，從此充恐怖事不斷。《配樂大師：ENNIO》訪問一代電影配樂傳奇摩利哥尼，講佢傳奇嘅一生。《犯罪都市：鐵拳掃毒》馬東石飾演嘅「怪物刑警」為追捕新型毒品罪，展開韓國最大跨國毒網掃蕩行動，以拳頭當子彈嘅佢，誓死要將毒販一嘢KO。

同大家率先睇完《變形金剛：狂獸崛起》嘅幕後花絮後，再同大家睇埋本周票房龍虎榜，第三位係《銀河守護隊3》、第二位係《小魚仙》、第一位就係《狂野時速10》。