黃子華紙巾塞鼻散麻甩味 與林保怡球場吐苦水

黃子華演完50場舞台劇《最後禮物》後，即馬不停蹄為主演電影《飯戲攻心》四出謝票，眼見票房衝破5500萬大關，黃子華含淚答謝觀眾支持，呢晚黃子華為新片《毒舌大狀》補拍戲份，講黃子華與林保怡坐喺球場觀眾席吹水，不顧儀態顯麻甩味，見黃子華面上有明顯「傷痕」，又用紙巾塞落鼻窿，一邊講對白一邊演，跟林保怡吐苦水。

黃子華喺律政喜劇電影《毒舌大狀》飾演律師及法官兩個身份，除咗有一大堆超級啜核對白，名正言順囂張鬧人，絕對係得罪人多，自稱司法界極品，同每個演員均有對手戲，對黃子華嚟講都係一個大考驗！