黃子華演完50場舞台劇《最後禮物》後，即馬不停蹄為主演電影《飯戲攻心》四出謝票，眼見票房衝破5500萬大關，黃子華含淚答謝觀眾支持，呢晚黃子華為新片《毒舌大狀》補拍戲份，講黃子華與林保怡坐喺球場觀眾席吹水，不顧儀態顯麻甩味，見黃子華面上有明顯「傷痕」，又用紙巾塞落鼻窿，一邊講對白一邊演，跟林保怡吐苦水。

黃子華喺律政喜劇電影《毒舌大狀》飾演律師及法官兩個身份，除咗有一大堆超級啜核對白，名正言順囂張鬧人，絕對係得罪人多，自稱司法界極品，同每個演員均有對手戲，對黃子華嚟講都係一個大考驗！

被指以當年疑案為藍本嘅賀歲電影《毒舌大狀》上映以來好評不絕，早前先宣佈成為歷來港產片票房三甲，票房上畫短短十幾日已經突破7千5百萬，而呢日台前幕後一齊現身喺旺角舉行嘅千人慶功宴招待觀眾，仲再宣佈票房已經衝破8千萬喇。

呢日嘅100圍觀眾齊集慶功宴，真係可以話係久違嘅熱鬧場面喇，有份演出嘅 黃子華 謝君豪 同 王丹妮 等演員一齊現身多謝觀眾，而子華仲話見到咁多支持嘅朋友齊聚非常開心，更估唔到票房攀升得咁快，更加爆演員之間對票房有一個賭注，話自己只係期望達到5千萬票房咋。

子華近日已經開始為4月公演嘅舞台劇排練，所以謝票活動較少出現，不過知道有黃牛黨以高價炒賣舞台劇門票時，佢就話各個單位已經出盡辦法防止，可惜依然有漏網之魚咁話，仲話連自己都欠周身飛債呀。

近年都流行票房數字理想時，演員會以唔同方式找數，呢日謝君豪就以佢當年嘅經典角色開金口，演繹咗「南海十三郎」嘅其中幾句，而女子組曾經話過電影每收100萬就會騷1cm美腿，嚟到今日8千萬要找數都幾襟計，呢日Louise就話照計要騷到後背喇。

而日前網上電影花絮當中，佢同 廖子妤 仲有 柏天男 曾經拍攝一段親密場面，不過就冇喺電影出現，呢日佢就話係幕後相討之後嘅結果，亦都對佢哋考慮同決定百分之百信任呀。