音樂才子林敏驄出山主演《下流上車族》首度拍劇，更創作片尾曲及插曲，呢日佢拍住《聲夢傳奇》文凱婷（Aeren）合唱，林敏驄相隔多年再開金口，笑言公司覺得佢套劇好睇，所以變咗台慶劇， 希望佢整埋啲歌。

Aeren與前輩林敏驄合作覺得興奮又緊張，更提前半個鐘到錄音室準備，佢笑笑口講：「同屋企人講要錄歌，今次係林敏驄老師填詞，家人即刻『吓，好似好寸嗰噃』，哈哈，我當時問我應該乖啲定再寸啲，屋企人叫我乖乖哋做下靶。」Aeren好少唱紓情歌，仲獲得林敏驄讚賞，Aeren知前輩好耐冇寫歌，林敏驄笑言係緣份，亦有留意Aeren唱過自己嘅作品《跳舞街》。

陳百祥、林敏驄、陳柏宇、張頴康、蘇志威、李思雅及黑妹李麗霞等，呢日出席一個慈善高爾夫球比賽。

陳柏宇自從做咗爸爸少咗時間打Golf同健身，佢將於6月前往倫敦舉行演唱會，同月亦會推出新歌，同場嘅林敏驄亦有開騷計劃，林敏驄搞作多多冇時停，目前籌備開拍新戲，佢亦計劃開演唱會Part 3！