處境劇主題曲洗腦長留印象 《我們的主題曲》首集喚當年回憶

55年嚟製作過成千上萬唔同劇集嘅TVB，除咗劇集同角色內容令人留下深刻印象之外，劇集歌曲亦成為大家腦海記憶嘅一個重要部份，全新節目《我們的主題曲》9號起播出，一連7集同大家一齊重溫海量歌曲。

第一集以每晚陪住大家嘅處境劇同時裝劇主題曲打頭陣，當中家燕姐主演嘅獻唱嘅《皆大歡喜》大家一家耳熟能詳，呢次佢仲同埋《聲夢》嘅Sherman潘靜文同lolita蔡愷穎一次合唱呀。而由Gigi炎明熹同譚詠麟合唱嘅新版《明天仍要繼續》MV亦都喺節目當中首播。

至於王梓軒就同演鬥Band一齊，以重新編曲同雷有輝、劉威煌、Judas Law一齊演繹金曲。Band Sound嘅《親情》 就比舊版更熱血，難怪佢哋話玩得過癮又開心喇，呢日佢哋仲邀請埋Fans一齊到場參與拍攝，仲順便同大家見面呀。
至於Busking經驗非常豐富嘅Judas，要喺街頭演唱就完全冇難度，佢仲講到話細個對經典劇集《無頭東宮》非常入迷，仲話呢次編曲一定會令大家有耳目一新嘅感覺呀。