日前進行首輪面試嘅《中年好聲音》，星期六再次舉行面試，仲吸引咗過千位超過35歲嘅音樂愛好者參加，除咗噚日同大家睇過嘅部份參賽者背景雄厚，就連面試評判曾志偉、音樂人張佳添、伍仲衡同肥媽都被佢哋唔少人背後嘅故事感動呀。

亦因為背後故事豐富又感人，志偉就話原定12集嘅節目正考慮加長，同大家分享參加者嘅故事。而肥媽就指有患癌症嘅參加者雖然未能入圍，不過佢嘅正面就令自己大為感觸。過千人當中除咗人人都有各自參賽原因，亦都要有一定質素先能夠入圍，而伍仲衡就話自己唔單以歌喉作準則，仲希望入圍者要有個人風格呀。

面試當中仲有大家非常熟悉嘅面孔，喺《愛．回家之開心速遞》扮演「賈名媛」嘅邱芷微呢日就以參加者身份出現，不過平時對慣鏡頭演戲嘅佢，試音時就竟然緊張到失準喎。除咗賈名媛之外，仲有唔少多年前曾經參加過大型歌唱比賽，呢日亦都再次重燃當年夢想再次現身面試，更加有身障朋友到場，希望大家明白身殘志堅嘅道理呀。

TVB綜藝歌唱真人騷《中年好聲音》噚晚（12 日）播出第15集係第六部曲故事之歌《10強戰！首回合生死鬥！》，支嚳儀（Venus）、周吉佩（吉吉）獲得最高分 82 分，至於僅獲得 70 分嘅梁浩銓則被淘汰。

吉吉獻唱《留給這世上我最愛的人》送畀亡父同太太。吉吉太太拎晒燈牌到場支持老公。
噚晚最大洋蔥位係獻唱《留給這世上我最愛的人》嘅吉吉。吉吉與太太黃彥欣一同接受製作組訪問，曾出道做歌手嘅吉吉，音樂路一直浮浮沉沉，喺人生最落泊時佢認識太太，他多謝太太一直支持：「當時係佢執番起我，冇佢撐住，我唔知會點！」吉吉今次參加《中年好聲音》原來係先斬後奏，黃彥欣曾經反對過佢參加比賽，因此鬧咗好大場交，感覺係侷住接受，不過吉吉稱自己長大咗，承擔做好老公好爸爸，我會有承擔，點知到吉吉比賽時，老婆仲緊張過佢，最後吉吉發表愛的宣言：「我承諾過照顧你一生一世，所以我一定會照顧到你離開一刻。」

肥媽感動到喊，仲一時講唔到評語。吉吉與太太訪問截圖

吉吉喺台上透露《留給這世上我最愛的人》係送畀亡父及太太，單親家庭長大嘅佢哭着說：「後悔冇請過爸爸飲一餐茶……好多謝佢教識我要樂觀做人。」之後吉吉再次感謝太太：「我做歌手時好失敗，但佢冇嫌棄我又窮又冇出色，就算連份工都冇埋，佢都係好支持我，多謝太太呢十幾年對我不離不棄。」吉吉真摯嘅演出贏得82分，肥媽感動得「講不出聲」：「唱得好好，好Feel到個感情，唔講喇……」Eric Kwok亦話呢次表演係佢識吉吉咁耐表演最好嘅一次。

Venus 獻唱《If I Ain’t Got You》。

支嚳儀與媽媽一同接受製作組訪問，原來年輕時曾反叛過，她說：「反叛期都有試過離家出走，搞到媽咪好傷心，諗番起都好對唔住媽咪。」支嚳儀公開感謝媽媽：「如果唔係有媽咪，今日就唔會有支嚳儀，媽咪用咗大半世嚟照顧我，媽咪你下半世就交畀我！」語畢兩母女擁作一團，場面溫馨感人。

Venus 跟媽媽訪問截圖

支嚳儀獻唱《If I Ain’t Got You》送給媽媽，雖然獲得82分，但評審意見卻出現兩極，張佳添表示：「一個成功嘅藝人，要畀人認識到你係邊個，你係有自己影子喺首歌入面，你冇去學任何人唱，我聽到嘅係支嚳儀。」Eric Kwok認為支嚳儀唱唔到嗰種感覺：「完全係FeeL唔到你係唱畀你阿媽聽，反而覺得你係想講『我要叻畀你睇一次』，呢隻歌啲技巧太犀利，你個CPU 係應付緊技巧上嘅嘢，你想同媽咪講嘅嘢我係connect唔到。」 

雖然 Venus 拎到 82 分，但係評審畀嘅評語出現兩極。

至於獻唱《時光倒流二十年》嘅梁浩銓，僅獲 70 分全晚最低分，張佳添覺得梁浩銓今日把聲有啲緊，亦有啲走音，Eric Kwok 直言：「佢係中年，有把好聲， 但係冇音！覺得你太顧人點睇你，成個表演淨係顧個技巧，入唔到隻歌講唔到個故仔。」最終被淘汰嘅浩銓表示：「多謝《中年好聲音》畀機會我，可以收復番以往缺失嘅關係。」梁浩銓笑言想盡快與多年未見嘅爸爸媽媽食番餐飯。

梁浩銓僅得 70 分被淘汰。顏志恒羅啟豪丁文俊

《中年好聲音》逢周日晚 8 點半翡翠台播映