梁朝偉偕老婆劉嘉玲 與《魷魚遊戲》導演黃東赫飯敍

「Ready for《 Squid Game?》」劉嘉玲喺社交平台上載同老公梁朝偉，喺韓國同大熱劇集《魷魚遊戲》嘅導演黃東赫、製作人金志妍飯敍嘅相，唔只打上 「Ready for《 Squid Game?》」、「Let's play Squid game！」呢兩句captions，仲要tag埋《魷魚遊戲》個官方社交平台，嘉玲個post一出即引起網民討論，唔少人仲留言問嘉玲，偉仔係咪會加入《魷魚》第二季。

其實早喺7月嘅時候，嘉玲就已經透露偉仔將會到加拿大拍攝串流平台嘅劇集，而當時《魷魚遊戲》亦宣布即將開拍第二季，另外偉仔早前亦在釜山國際電影節中直言，有意重投電視圈再拍劇集，各種「線索」加起來，令偉仔會加入《魷魚》第二季更添一份可信性。

（Instagram圖片）