側田擔任首集嘉賓玩Poker敗戰 劉浩龍捱義氣陪受罰

Eric Kwok郭偉亮及方力申主持J2節目《鋪鋪Poker》播出之後大受歡迎，每集同嘉賓鬥智兼吹水，第二季就由劉浩龍接方力申棒，Eric Kwok解釋本來第一季有搵埋劉浩龍一齊拍，當時劉浩龍要出埠工作，只好第二季等佢歸位，講到第二季首集嘉賓側田，Eric Kwok笑稱大家要夾側田檔期，因為側田只留喺香港十幾日。

每一集輸家均要接受大懲罰，呢次居然係平時贏開嘅側田敗戰，劉浩龍好有義氣陪好友一齊受罰，劉浩龍自爆對黑箱有陰影：「點解咁怕呢個箱，其實係第一季最後一集我做嘉賓輸咗，要摸一樣嘢，我真係嘔咗出嚟，一個死豬頭再加汁，摸落有毛。」