《深宵閃避球》鄭伊健獲師傅羅文感染關心後輩 許廷鏗感謝朱栢謙演戲

《深宵閃避球》鄭伊健獲師傅羅文感染關心後輩 許廷鏗感謝朱栢謙演戲

鄭伊健及周家怡率領一眾新晉女演員主演,號稱香港史上最揸流攤運動喜劇《深宵閃避球》已上映,片中「熱血教練」伊健繼兩星期前帶隊一行11人突擊港九新界優先場謝票後,到電影開畫首週再帶領導演應智贇及全體演員再度空群而出,一日內答謝近千位觀眾支持,更帶上真實嘅閃避球送畀觀眾,相當有心!

鄭伊健及周家怡率領一眾新晉女演員主演《深宵閃避球》已上映。

一眾演員喺謝票期間積極回答觀眾疑問並分享感受,其中一場有觀眾問到伊健點解堅持留港拍港片,伊健認真回答:「大家喺香港生活咗咁耐,呢幾年的確發生咗好多事,但我自己係好鍾意電影同漫畫世界,電影應該係抽離,唔應該將真實重演一次。」

導演更帶上真實嘅閃避球送畀觀眾,相當有心!

伊健指接到《深宵閃避球》劇本時,覺得而家好需要熱血嘅能量;周家怡喺謝票時表示:「因為部戲齊心,所以我哋謝票都好齊心!」身旁嘅伊健就搞笑表示不認同:「唔係,其實係因為導演一直監察住我哋!」

一眾演員喺謝票期間積極回答觀眾疑問並分享感受。

同場嘅新晉演員大讚伊健喺戲裡戲外均係滿分大哥哥,好真誠、有活力同影響力,鼓勵佢哋講多啲嘢,仲擔心自己搶咗Focus,覺得伊健真係好關心後輩,更稱呢個精神係佢師傅羅文教導,「記住人哋對我哋嘅好,要再同樣咁樣對人哋」。

《深宵閃避球》邀請到客串演出嘅許廷鏗 (Alfred)及朱栢謙到場支持。

雖然《深宵閃避球》宣傳行程緊湊,不過週末卻邀請到客串演出嘅許廷鏗 (Alfred)及朱栢謙到場支持,Alfred獻出其處男謝票,佢興奮地表示:「好耐冇機會同大家咁近距離接觸,希望大家開心見到我哋嚟謝票。我特別多謝朱栢謙,如果唔係佢,我好大機會唔接呢部電影,因為係佢引導我去演戲,幫我打開咗一度我以前唔敢衝破嘅一道門。喺演戲上我好似一個新人咁學習,希望大家繼續多多指教!」

Alfred特別多謝朱栢謙,引導佢去演戲。

而鄭伊健主唱嘅電影主題曲《遇怪魔我識得變大個》已於各大音樂平台火速上架,讓大家即使走出電影院,仍感受到呢份打不死嘅精神!緊接歌曲上架,電影公司今日釋出粉絲期待已久嘅《遇怪魔我識得變大個》長版本MV,一眾演員開拍前跟隨香港代表隊練習嘅片段首度曝光,紀錄伊健抽時間從旁陪伴訓練,跟眾演員打成一片嘅愉快融洽氣氛!陳海寧及王頤更因投入演出而哭不停。

電影公司今日釋出粉絲期待已久嘅《遇怪魔我識得變大個》長版本MV。

《深宵閃避球》故事講述外展社工楊琦(周家怡 飾)主理「深宵體育館」 計劃多年,一直鼓勵唔願歸家嘅少女們,凌晨時份嚟到體育館做運動;無奈管理層突然出現人事變動,隨即面臨閉館危機… 自稱資深教練嘅劉志聰(鄭伊健 飾)協助下,集合8位問題少女組成「粉青隊」,參加全港閃避球錦標賽:打贏就留館留人,打輸就執包袱走人!教練同8位隊員本身都各有煩惱,但呢一刻無得再退避,全情投入頂硬上,一齊領悟閃避球嘅真諦!

一眾演員開拍前跟隨香港代表隊練習嘅片段首度曝光。主題曲《遇怪魔我識得變大個》已於各大音樂平台火速上架。紀錄伊健抽時間從旁陪伴訓練。

《愛.回家》譚道德嫁女!陳榮峻收親家聘書超開心 女兒移居新西蘭任護士

陳榮峻憑TVB處境劇《愛.回家之開心速遞》飾演「譚道德」成功入屋,陳榮峻噚日喺IG貼出一張疑似係親家提親嘅聘書,公佈愛女即將結婚呢個喜訊。

陳榮峻兒子頴聰貼出家庭合照。
陳榮峻今日喺IG貼出嫁女相。

聘書見親家大讚陳榮峻女兒頴儀(Jessica),陳榮峻收到親家嘅誠意,表示超開心,感覺女家備受尊重,估唔到今時今日仲有傳統禮儀!
陳榮峻噚日喺IG貼出一張疑似係親家提親嘅聘書。

陳榮峻今日喺IG貼出嫁女相,原來愛女於奧克蘭嘅St. Patrick's Cathedral舉行神聖婚禮,呢間大教堂係奧克蘭市天主教堂,以哥德復興式建築,建立於1841年為奧克蘭最迷人嘅建築之一。

陳榮峻帶愛女進場,佢笑問:「嗰造型似唔似新郎哥。」陳榮峻與吳香倫於2015年拍拖,2018年結婚,陳榮峻仔女亦接受吳香倫呢位繼母。

陳榮峻早年與圈外妻子鄭安麗結婚,育有兩子一女。鄭安麗於2010年因腦溢血離世,陳榮峻難走出喪妻之痛曾欲輕生,幸有好友開解走出陰霾,陳榮峻與吳香倫於2015年拍拖,2018年結婚在四代同堂見證下再為人夫,仔女亦接受吳香倫呢位繼母,陳榮峻曾透露阿女中學時已前往新西蘭留學,目前喺當地任職護士。 
陳榮峻曾透露阿女中學時已前往新西蘭留學,目前喺當地任職護士。

 相關推薦

熱門搜尋