張振朗潘靜文《靈戲逼人》主題曲率先聽 翻唱前輩歌曲感壓力

張振朗潘靜文《靈戲逼人》主題曲率先聽  翻唱前輩歌曲感壓力

張振朗同《聲夢》嘅Sherman潘靜文一齊為新劇《靈戲逼人》唱主題曲《似夢迷離》,事隔4年又再喺觀眾面前一展歌喉嘅Owen覺得非常難得:「上次已經係唱《堅離地愛堅離地》主題曲,今次好彩有Sherman,令我放膽去唱,多謝監製俾機會我,不過我知佢冇聽過我唱歌。」


Owen同Sherman覺得翻唱大前輩林子祥嘅經典作好有壓力,希望為觀眾帶嚟新火花,Sherman喺錄音之前聽過無數次原作,要諗原唱者點樣演繹,又加入個人風格,身邊嘅Owen就搞笑話:「佢好有功架,你聽佢講嘅嘢,歌手即係歌手,真係唔同。」


Owen指選用呢首歌係非常配合佢劇中同龔嘉欣嘅一段情,彼此見得到但觸摸唔到,感覺好似發夢一樣,整體配合得非常好,佢坦言當初知道要翻唱呢首經典作品的確非常有壓力,又再次為Sherman「笠高帽」,令對方非常尷尬,而Sherman亦都話:「原來佢真人非常有趣!」

《愛.回家》譚道德嫁女!陳榮峻收親家聘書超開心 女兒移居新西蘭任護士

陳榮峻憑TVB處境劇《愛.回家之開心速遞》飾演「譚道德」成功入屋,陳榮峻噚日喺IG貼出一張疑似係親家提親嘅聘書,公佈愛女即將結婚呢個喜訊。

陳榮峻兒子頴聰貼出家庭合照。
陳榮峻今日喺IG貼出嫁女相。

聘書見親家大讚陳榮峻女兒頴儀(Jessica),陳榮峻收到親家嘅誠意,表示超開心,感覺女家備受尊重,估唔到今時今日仲有傳統禮儀!
陳榮峻噚日喺IG貼出一張疑似係親家提親嘅聘書。

陳榮峻今日喺IG貼出嫁女相,原來愛女於奧克蘭嘅St. Patrick's Cathedral舉行神聖婚禮,呢間大教堂係奧克蘭市天主教堂,以哥德復興式建築,建立於1841年為奧克蘭最迷人嘅建築之一。

陳榮峻帶愛女進場,佢笑問:「嗰造型似唔似新郎哥。」陳榮峻與吳香倫於2015年拍拖,2018年結婚,陳榮峻仔女亦接受吳香倫呢位繼母。

陳榮峻早年與圈外妻子鄭安麗結婚,育有兩子一女。鄭安麗於2010年因腦溢血離世,陳榮峻難走出喪妻之痛曾欲輕生,幸有好友開解走出陰霾,陳榮峻與吳香倫於2015年拍拖,2018年結婚在四代同堂見證下再為人夫,仔女亦接受吳香倫呢位繼母,陳榮峻曾透露阿女中學時已前往新西蘭留學,目前喺當地任職護士。 
陳榮峻曾透露阿女中學時已前往新西蘭留學,目前喺當地任職護士。

 相關推薦

熱門搜尋