《港女野人》攀石爭冠軍 胡美貽奪冠成終極港女

《港女野人》攀石爭冠軍 胡美貽奪冠成終極港女

由四位參選過港姐嘅胡美貽、何泳芍、陳若思同廖慧儀主持嘅真人騷節目《港女野人》已經播出,節目將佢哋嘅素顏甚至落泊表現都呈現喺觀眾眼前,而呢日佢哋為咗選出終極港女野人殊榮,仲齊齊去攀石場宣傳呀。


最後勝出嘅Nicole就話,自己因為唔畏高而贏出,而Amber仲回憶拍攝時自己嘅出醜經歷呀。而節目中挑戰過各式野外生活同任務之後,佢哋就話Jessica係變化最大嘅一人,由當初慢熱唔聲唔聲到今日熱情到收唔到聲呀。


雖然話自己慢熱,不過一向最唔識同小朋友相處嘅Jessica,喺其中一集竟然係最受小朋友歡迎嘅一位喇。而平時天不怕地不怕嘅「美人魚」Honey,喺節目亦受到挫折,因為其中一次劏魚挑戰令佢非常擔心,事後仲搞到發燒呀。

胡美貽踏入三十 「港女野人」閨密們送驚喜亞馬遜爬樹蛋糕為壽星女慶生

J2er索女胡美貽(Nicole)踏入30歲,當然慶祝活動一籮籮,日前獲幾位《港女野人》美女成員廖慧儀、陳若思,連同好姊妹黃嘉雯坐陣,大搞驚喜生日會。眼見社交平台的新相所見,又有造型蛋糕、又有特色小吃,當然不少得派對必備的汽球和鮮花,逗得壽星女Nicole非常開心。

Nicole接受其他傳媒訪問時表示:「我哋都係喺屋企搞,一齊食吓嘢咁,黃嘉雯仲送咗紮花畀我,特別整咗個蛋糕畀我,話係照住我喺亞馬遜爬樹嗰幕嚟整,我好鍾意,覺得好得意。」黃嘉雯亦指:「我同Nicole係一齊拍節目認識,平時喺J2聚會都成日見,我哋前晚喺朋友屋企搞Party,佢哋整咗啲homemade taco同佢慶祝生日,我都係第一次食,好有創意!」

圖片來源:網上IG

幾位《港女野人》美女成員廖慧儀、陳若思,連同好姊妹黃嘉雯坐陣,大搞驚喜生日會亞馬遜爬樹蛋糕為壽星女慶生派對必備的汽球和鮮花《港女野人》美女成員廖慧儀、陳若思,連同好姊妹黃嘉雯

 相關推薦

熱門搜尋