台灣歌手及演員周興哲日前向大6歲前主播趙岱新求婚成功，呢日準人夫出席活動有分享求婚細節，指當日佢哋喺歐洲玩，嗰陣喺一個大陽台播住浪漫嘅音樂下，單膝跪地向趙岱新求婚，覺得好緊張又感動，佢笑稱原本準備一連串嘅說話要講，但係怕自己忍唔住喊，最尾只係問趙岱新願唔願意嫁畀佢。

周興哲近排喜事重重，嚟緊第三次踏上台北小巨蛋開騷，更憑校園愛情電影《我吃了那男孩一整年的早餐》入圍第59屆金馬獎最佳新演員、最佳原創電影歌曲，周興哲指聽到入圍消息時感到不可思議：「感到很歡樂、很開心，覺得有入圍已經很開心，經理人覺得可以拿新人獎蠻酷，人生只有一次機會，新人衝一波。」

周興哲上月喺米蘭出席時裝騷，遇到偶像美國演員Anne Hathaway兼合照，覺得同偶像傾偈好榮幸：「本人跟電影真係一模一樣的美，氣質爆表。」

今個月底就會喺紅館舉行演唱會嘅台灣歌手 周興哲 日前同逾千歌迷先舉行一次見面會熱身，不過喺呢次Fans Meeting當中，就似乎係變咗佢嘅一次小型音樂會，Eric又向到場Fans送抱近距離接觸，難怪個個都笑到見牙唔見眼啦。

Eric呢日喺現場自彈自唱，又同台下歌迷全場大合唱。今次係Eric相隔5年之後再次踏上紅館舞台，呢日佢就提到今次將採用四面舞台設計，仲會為香港歌迷準備特別驚喜咁話呀。