Susuca艷遇集結者晒19歲情書 空姐Belle難頂A0極品副機師

《J2ers︰不正常愛情研究所》由J2ers 黃紫恩(Jojo)、吳兆麟(Alan)、胡敏芝(Karen)連同兩位客席嘉賓麥惠琪(Susuca)、文頌男(Koba)主持,最新播出嗰集講「旅遊艷遇」,仲搵嚟張凱莎(Belle)現身,講佢同A0極品副機師約會嘅難頂經歷!

一開場幾位主持先展示各自吸引異性注意嘅「神物」,Jojo「阿婆花露水」用意係出奇制勝,有別一般女士用高級香水、Alan隨身有「女神蚊怕水」為女伴提供不時之需,相當貼心、 Susuca「攻守兼備戰衣」,胸前嘅拉鍊進可攻、退可守、Koba嘅「𥄫仔太陽鏡」型之餘算幾實用、 而Karen「引人入勝香水」就稍為太大路。

Karen在韓國夜場的「艷遇」,可以話是恐怖經歷。Karen在韓國夜場的「艷遇」,可以話是恐怖經歷。

Karen講到18歲graduation trip同班女仔去韓國玩,喺當地第一次clubbing,去到舞池被一名中年Oppa先攬後拖,幾經爭扎先甩身,被其他主持笑似「恐怖經歷」多過「艷遇」。

Susuca作為艷遇集結者,拿出19歲在上海收到的情書。Susuca作為艷遇集結者,拿出19歲在上海收到的情書。

接着Susuca試過去美國過海關時,遭美日靚仔混血關員抄牌,更笑稱唔提供社交網賬號便不放行,最後以假賬號矇混過關,喺上海又試過收情信內附地址,大讚上海男仔「用情最深」,嗰封情信保存至今,仲帶上節目由Alan朗讀;Jojo之後講到最爆艷事,話說有年同女性朋友去歐遊,出發前用交友App識咗歐洲一家人可以旅居。Jojo又話到間屋見3兄弟,當半夜起身去廁所時,赫然唔見咗同行女伴,事後女伴坦白先後跟3兄弟深宵交往,算係非常經典。

Jojo跟女性友人到歐洲旅行,發生串燒3兄弟艷事Jojo跟女性友人到歐洲旅行,發生串燒3兄弟艷事

呢集「有故事的人」主角Belle本身係空姐, Belle有次坐員工票價飛機返香港,因為機位爆滿,要坐喺駕駛艙,認識同係來自香港嘅副機師,之後大家透過社交平台聯絡,睇戲食飯係基本步,點知出過一次街之後,Belle便見識到戰績A0、年齡25嘅 宅男到底有幾「出色」,首先副機話「估唔到你咁老、似師奶」同埋「食飯時你T字位出油」,該名宅男自大,在於問Belle「我冇追過女仔,而家追你係咪應該好開心呢」,堪稱極品中嘅極品。

副機師以還嘢畀Belle,作為約會藉口,副機師不單止宅仲要「裙腳」,被各主持嫌棄。副機師以還嘢畀Belle,作為約會藉口,副機師不單止宅仲要「裙腳」,被各主持嫌棄。

《J2ers︰不正常愛情研究所》逢周四晚上11點 J2 (82台)播映

 相關推薦