吳君如晒梁朝偉劉嘉玲陳可辛黑白照印證40年情深誼長

梁朝偉、劉嘉玲、吳君如同陳可辛日前抵達韓國出席第27屆釜山國際電影節，劉嘉玲連日喺社交平台貼出多張照片，噚日吳君如上載飯敘合照，更感性寫道：「這裡每一張美麗的照片，印證咗我哋40年嘅誼長情深。」

梁朝偉、劉嘉玲、吳君如同陳可辛日前抵達韓國出席第27屆釜山國際電影節。

吳君如同劉嘉玲於1983年第12期訓練班畢業而入行，吳君如曾同梁朝偉及劉嘉玲合作拍1984年TVB經典劇《鹿鼎記》，梁朝偉飾演韋小寶，劉嘉玲同吳君如分別演「方怡」及「曾柔」，令觀眾印象深刻，多年老友鬼鬼，梁朝偉一向慢熱，對住老友變得相當活潑，笑容燦爛，更同吳君如一齊擺出心心手勢。

噚日吳君如上載飯敘合照，稱印證佢哋40年嘅誼長情深。

不少網民讚佢哋40年友誼非常難得，替佢哋感到高興，更有網民稱：「很難得！三位都是我兒時偶像，一起成長!由電視睇到電影，超級喜歡你們。」另有網民留言，「好記得三姑當年節目訪問，２位好姐妹都溝過偉仔，唔差在佢試吓」、「如果張國榮都喺度就好啦」、「開懷大笑係最好最健康」。

吳君如曾同梁朝偉及劉嘉玲合作拍1984年TVB經典劇《鹿鼎記》。

梁朝偉於2018年宣佈與導演王家衛廿年合約期滿，由太太劉嘉玲擔任其經理人，劉嘉玲曾形容對方「很自閉」、「不善於與人打交道」，希望可以幫助及保護老公。