《聲夢2》舉行踢館賽 Phil私心力撐香港學員

Phil林奕匡同Cath黃妍成日會孖住一齊出席慈善活動，呢日佢哋就同埋梁釗峰同Cloud雲浩影現身禁煙活動，一齊推廣戒煙好處。黃妍話公司成日安排佢同Phil一齊出活動係有原因，因為佢哋都係出名嘅書呆子同學霸，所以傾嘅話題都比較悶，但Phil聽到即糾正Cath，話只係佢哋嘅話題比較有內涵同深度，所以先唔係個個人明白。

早前為《聲夢傳奇2》擔任導師嘅Phil，就話自己嚟緊嘅《聲夢》踢館賽佢都會以半導師半朋友嘅身份協助香港嘅學員。而早排同鄭伊健一齊開完live嘅釗峰同Cloud，問到佢哋有冇同伊健自薦做對方嘅紅館演唱會嘉賓？佢哋就話等對方決定，自己唔敢多口呀。