《聲夢2》音樂會反應熱烈宣佈加場 任暟晴趙紫諾好興奮

一班《聲夢傳奇2》畢業生同馬來西亞、澳洲學員將會喺海外踢館賽舞台切磋音樂，將在11月5號開始，一連兩個禮拜六晚上8點半播出，森美擔任主持，郭偉亮(Eric)同陳奐仁(Hanjin)做總監，泳兒、JW、林二汶及林奕匡做導師。

代表香港嘅Jasmine任暟晴、Janees黃洛妍、Sabrina趙紫諾、女團XiX、Pamela趙小婷、Angel劉詠彤及Sean文佐匡，組成Star team；海外學員Xair彭詡越、Zentson潘乾政、Vincent 陳泓升、Ziwei王紫薇、Zev梁宸語、Lorraine孫佳利及Gina蔣沁忻，組成Dream team。

講到《聲夢傳奇2》音樂會反應熱烈，宣佈將加開一場，Jasmine同Sabrina相當興奮，Jasmine笑言想同公司講可以再開多啲。

《聲夢傳奇2》畢業生與海外學員將接受多個回合比拼，爭奪團體冠軍，以及舞台魅力獎，呢日舉行記招，大合唱《我的快樂時代》，大會更準備香港美食招待海外學員，佢哋稱睇見都流晒口水。