《美麗戰場》家明曾遭爸爸反對入行 Aska張馳豪設時限盡力追夢

陳凱琳（Grace）監製及主持明珠台節目《Love Matters with Grace》聽晚播出第10集，搵嚟三位《聲夢傳奇》第一季畢業生張馳豪 Aska、何晉樂Rock及林沚羿Venus暢談各自追夢經歷。

Venus自小學三年級參加合唱團後便喜愛唱歌，為咗獲得別人認同而決定參賽，毋懼挑戰，而Rock為追逐歌手夢，放棄已擁有嘅藥劑師牌，佢亦不感後悔，當被問若果要喺愛情與事業之間作出選擇，Rock坦言選擇愛情，但慶幸自己毋須作此抉擇，感謝女友給予無限支持。

Aska近日喺台慶劇《美麗戰場》演茶餐廳太子爺「家明」，網民覺得佢扮學生嘅感覺害羞得嚟有啲青澀、又帶點可愛，而人氣急升，原來Aska曾被家人反對入行，爸爸顧慮係娛圈競爭激烈，擔心佢收入會唔穩定，建議佢為自己設立一個時限。

相反，Venus透露爸爸林迪安給予佢極大啟發，爸爸更分享喺娛樂圈工作嘅心得，提點佢喺呢行工作經常遇到艱辛，最後，Grace與三位嘉賓大玩「Spin the Bottle」遊戲，挑戰「Truth or Dare」，若唔想接受懲罰，佢哋就要誠實回答Grace提問；Aska將要選擇回答，佢有冇試過朋友堆當中遇上心儀嘅對象同向其表白；而Venus即大爆孫漢霖係15位聲夢學員中造型最差。

《Love Matters with Grace》逢星期三晚上九時至九時半於明珠台播出