陳奕迅演唱會2022｜終極加開３場 下周三準備上網撲飛

「歌神」陳奕迅睽違9年，終於宣佈12月回歸紅館，舉行22場「Fear and Dreams」香港演唱會，早前公開售票一開即爆，雖然主辦已按Eason要求將五成門票公開發售，仍然有大量歌迷留言話買唔到門票。

早前有報導稱有歌迷因心急想買飛畀人呃咗23萬港元，而黃牛飛據傳被炒至五千、一萬、甚至五萬幾一張。

主辦單位有見及此，為咗讓歌迷有更多機會買到正價門票，決定終極加開最後3場 (1月8號 ,  1月13至14號)，下周三10月26 號早上10點喺城市售票網公開發售，將3場共高達七成門票開放畀歌迷搶購。 

主辦單位表示，呢次終極加場後就應該唔會再加，所以仲未買到門票或想再睇多一場演唱會嘅朋友，記得屆時準備上網撲飛！