變裝皇后林子超跳Man爆鋼管舞 練超高難動作大髀夾到瘀晒

變裝皇后林子超跳Man爆鋼管舞 練超高難動作大髀夾到瘀晒

才藝比拼節目《全城一叮》今晚繼續晉級賽,上次林子超嘅Drag Queen變裝皇后表演,睇到一眾評判拍爛手掌,而今次佢就以「真身」上陣,以「MAN爆鋼管舞」迎戰「鬼馬變裝唱作」黃建東,而另一隊則有黃瀅仴同吳兆麟以高難度舞蹈,惡鬥化身小丑同小丑女跳辣身舞嘅黃紫恩同劉展霆。
黃紫恩同劉展霆化身小丑CP黃瀅仴同吳兆麟以高難度舞蹈迎戰


因為上次變裝皇后嘅成功,令林子超今次再加大力度去演出,以鋼管舞做出多個高難度動作,包括凌空漫步、自由落體及 360 度大迴環等,睇丁盈盈同伍姑娘瘋狂尖叫,完全喺亢奮狀態嘅伍姑娘仲誇張到撳爛個叮叮!

林子超今次跳MAN爆鋼管舞「鬼馬變裝唱作」黃建東

子超就話自己用咗一個月時間去學跳鋼管舞,其餘時間就係拉筋同做 Gym 練大隻,講到揀跳鋼管舞嘅原因,子超話係想打破鋼管舞畀人感覺女性化嘅睇法,仲話鋼管舞都可以跳得好MAN。今次嘅表演入面最難嘅其中一個動作就係「自由落體」,子超解說:「因為要由高位跣落去再夾番實,需要嘅力度好大,每次練完大髀內側都係瘀晒,嗰時每日帶住支去瘀膏傍身,一有時間就搽希望快啲散瘀。」子超又話練習嘅時間試過夾唔實跌落地,但佢話呢啲係一定要經歷,因為咁先可以克服個恐懼。

《全城一叮》 逢星期四、五 22:30 翡翠台

不正常愛情研究所丨Koba文頌男化療無效腫瘤變大 感覺開始活得好冇尊嚴

Koba文頌男舊年年尾喺社交平台公開有個惡性腫瘤喺自己嘅椎間近盤骨附近嘅位置,之後要接受第一階段治療。Koba喺3月27號分享病況,佢話做咗五次化療,治療無效,照咗磁力共振,發現個腫瘤仲變大咗少少。直認感覺好無奈嘅Koba指聽到醫生講「個治療冇乜效果、個腫瘤仲要大咗少少,最後一次化療都唔好做喇,準備做電療啦。」嘅時候,心情好似跌咗落深淵。佢真係好驚,感覺距離死亡又近咗一步,而且可能唔係死咁簡單,係會死得好痛苦,因為下肢 、盤骨附近嘅位置係越嚟越痛,痛到開始連嗎啡都冇辦法舒緩到,身體仲會不自覺抽搐,有啲身體部位已經變得麻木,排泄方面都開始出現好多問題(呢部分太羞恥都唔想講太多),我開始有種感覺係「我活得好冇尊嚴」,因為行動不便、痛,每日都係喺屋企對住四埲牆,幾乎零社交、零工作,每日都活得好似好無意義咁。

今晚(28 日)終極篇 7 位主持齊集。

Koba再指自己由細到大都遇到唔同難關同挑戰,就算每次嘅挑戰都越嚟越困難,佢都靠自己一一跨越過,但個天就好似好想佢死咁,唔肯放過佢,唔想畀佢輕鬆。佢又講到就算自己想放棄,但其實根本唔知可以點放棄。因為未死嘅話,佢都只能夠選擇堅持。依家每日都痛、非常痛,無一刻唔痛,每日度日如年,佢亦唔知幾時可以開始電療、幾時先可以舒緩到嘅痛楚,只係盼望可以快啲唔痛。Koba話真係覺得好攰、好攰、真係好攰。

Susuca 想起 Koba 的病況,忍不住喊起來。

Koba亦講到好多癌症病人即使表現得有幾堅強、幾樂觀都好,都會有佢以上類似嘅諗法。但會咁樣諗唔代表佢放棄,Koba話自己仍然好努力對抗呢個病,即使幾唔想食嘢,都逼自己食;即使幾痛都好,都逼自己要郁吓,唔好畀啲肌肉退化得咁勁。佢仍然好熱愛自己嘅拍攝、演出工作。好希望有一日可以康復、行動自如,可以繼續返呢啲工作。

Jojo 祝願 Koba 做到 1,200 集

Koba有份主持嘅《不正常愛情研究所》喺今晚(28號)播出第91集,7位主持濟濟一堂講出做主持嘅感受之餘,喺節目中終極互數對方。《聲夢傳奇2》出身嘅Kim係最後期加入節目嘅主持,佢誇口雖然半途出家,但一直「驚都未驚過」。此話一出即時惹嚟其餘6位主持反擊,有片有真相被翻「黑材料」,回帶片段中見到Kim第一次擔任主持一職時,唔單只講嘢口震震,雙手又顯出非常不安。喺避無可避之下Kim即刻認輸,兼轉風向話︰「係驚嘅,但當時好努力跟住Doniven個flow。」

Doniven、Gillian 以「有故事的人」身份加入成為主持。

呢集每位主持言行都去到好盡,Gillian收到嘅短訊仲露骨「你好靚,真係好靚,靚就贏咗。最記得係Doniven話要食你嘅臭鮑魚……」。原來係出自Kim嘅手筆,佢解釋「臭鮑魚」係指Gillian下廚煮畀大家食嘅鮑魚有臭味。

在「棉花糖女孩」一集製作組為各主持 P 了一輯肥仔肥妹相。

除咗「爆料」,呢集亦有令人感動嘅情景,Susuca同Jojo分別為患病嘅Koba送上祝福,Susuca講到對Koba嘅印象時話「初初識你嗰個月開廠就傾偈,知你又拍拖又分手。有日見到你腰痛不停問你咩事,後來你公布患病消息,咁細個就要經歷咁多嘢,加油快啲好返,做你想做嘅事。」接住佢喺節目中哭成淚人,調轉番要Koba安慰。

Karen 及 Jojo 被翻出中學時期的黑材料。

《不正常愛情研究所》逢周四晚10點J2 (82台)播映

 相關推薦

熱門搜尋