《黃金盛宴》下周首播 節目內外同樣juicy

為賀TVB 55周年台慶，由馬浚偉主理嘅節目《黃金盛宴》，搵嚟九位頂尖廚師，由頭盤開始製作，以至餐後甜品，全力打造一頓黃金盛宴。呢日節目組釋出精華片段，當中除咗有肥媽Maria Cordero、鼎爺李家鼎、黎諾懿、三姐蕭秀香、保哥黃亞保、Amanda S.、陳煒、Jacques Kagi及Ken譚以健，九位星級廚師獻技烹調外，入面仲有唔少精彩內容，好似主理人馬仔直接問肥媽係咪同鼎爺唔妥、保哥挑戰3分鐘煮一道菜等，節目內外都一樣咁juicy！

《黃金盛宴》將於10月24號 逢星期一至三播出，觀眾們記得mark實時間收睇喇！